ფოტო: Aaron Schwartz/Sipa/Bloomberg
Oracle-ის თანადამფუძნებელმა ლარი ელისონმა Nvidia-ს აღმასრულებელ დირექტორს ჯენსენ ჰუანგს მსოფლიოს უმდიდრეს ადამიანთა რეიტინგში გადაასწრო და მეშვიდე პოზიცია დაიკავა. ელისონის ქონების ზრდას ხელი Oracle-ის აქციების გაძვირებამ შეუწყო. მეორე მხრივ კი, Nvidia-ს აქციების ფასის ვარდნამ ჰუანგის ქონება შეამცირა.
Forbes-ის რეალურ დროში განახლებადი მილიარდერთა რეიტინგის მიხედვით, ორშაბათის მონაცემებით, ელისონის ქონება $190.6 მილიარდამდე გაიზარდა. ამავე დროს Oracle-ის აქციების ფასმა 2.6%-ით, დაახლოებით $151-მდე მოიმატა.
საპირისპირო მოხდა ჯენსენ ჰუანგის შემთხვევაში. Nvidia-ს აქციების 2.6%-იანი ვარდნის ფონზე, მისი ქონება თითქმის $4 მილიარდით შემცირდა და $187.8 მილიარდი შეადგინა.
Oracle-ის აქციები ბოლო სამი სავაჭრო დღის განმავლობაში იზრდებოდა, ხოლო ბოლო ხუთ სესიაში მათი ფასი 5.4%-ით არის მომატებული. კომპანია ივლისის ბოლოს დაფიქსირებული წლიური მინიმუმიდან აღდგენას განაგრძობს, როდესაც Oracle-ის აქციების ფასი დაახლოებით $115-მდე დაეცა.
მსგავსი დინამიკა ჰქონდა Nvidia-საც. კომპანიის აქციები ბოლო ხუთ სავაჭრო დღეში 6.2%-ით არის გაძვირებული. ამასთან, Nvidia ივლისში სამთვიან მინიმუმამდე დაეცა და აქციის ფასი დაახლოებით $190-მდე შემცირდა.
წაიკითხეთ ასევე: Nvidia-ს აქციების ფასი 2.5%-ით დაეცა – რამ გამოიწვია გაუფასურება?
