მსოფლიოს უმსხვილესი კრიპტოვალუტა 2022 წლის ნოემბრის კრახის შემდეგ ყველაზე ცუდი ყოველთვიური მაჩვენებლისკენ მიდის. საფონდო ბირჟაზე ბიტკოინის ფონდების დანაკარგები ნოემბერში რეკორდულ 3.7 მილიარდ დოლარს უტოლდება.
კრიპტოვალუტის ინდექსი ოქტომბერში დაფიქსირებული პიკის, 126,000 დოლარის შემდეგ, 35%-ზე მეტით დაეცა და 21 ნოემბერს 80,000 დოლარამდეც ჩამოვიდა, რაც აპრილის შემდეგ ყველაზე დაბალი ფასია.
კრიპტო ბაზარმა ოქტომბერში მნიშვნელოვანი ვარდნა განიცადა, ფასები კი ისეთი ტემპით დაეცა, როგორიც ბოლოს 2022 წელს კრიპტოინდუსტრიის კოლაფსის დროს დაფიქსირდა, რაც სემ ბენკმან-ფრიდის FTX-ის კრიზისით იყო გამოწვეული.
აღსანიშნავია, რომ კაპიტალიზაციის მიხედვით სიდიდით მეორე კრიპტოვალუტაზე, ეთერიუმზე დაფუძნებულმა ფონდებმა, ნოემბერში 1.6 მილიარდ დოლარზე მეტი დაკარგეს.
CoinGecko-ს მონაცემებით, გასულ კვირას, აპრილის შემდეგ პირველად, ყველა ციფრული ტოკენის საბაზრო ღირებულება 3 ტრილიონ დოლარზე დაბლა დაეცა. სამშაბათს ბიტკოინის ფასი თითქმის 2%-ით დაეცა და დაახლოებით 86,000 დოლარის ფარგლებში ივაჭრებოდა.
