საქართველოს ბანკის გუნდში მნიშვნელოვანი სიახლეა. ბანკის გადახდების ბიზნესის მიმართულების ხელმძღვანელად 2025 წლის დეკემბრიდან ლევან კობახიძე დაინიშნა.
აღსანიშნავია, რომ ლევან კობახიძე 2019-2023 წლებში საქართველოს ბანკში ციფრული არხების მიმართულების ხელმძღვანელის პოზიციას იკავებდა. ამჯერად კი მისი საერთაშორისო და ადგილობრივი გამოცდილება გადახდების სფეროს კიდევ უფრო განვითარებისკენ იქნება მიმართული.
ლევან კობახიძეს მრავალწლიანი და მრავალმხრივი გამოცდილება აქვს საბანკო, ფინტექ და ტელეკომუნიკაციების სექტორებში, განსაკუთრებით კი ციფრული არხებისა და ინოვაციური გადახდების მართვის სფეროში. მისი პროფესიული კარიერა არაერთ ხელმძღვანელ პოზიციას მოიცავს, მათ შორის: Wells Fargo-ში ციფრული ანგარიშების გახსნის მიმართულებით აღმასრულებელი დირექტორის, საქართველოს ბანკში ციფრული არხების ხელმძღვანელის, Veon Georgia-ში ციფრული პროდუქტების მართვისა და ინოვაციების ხელმძღვანელის როლს და სხვა.
ლევან კობახიძეს მიღებული აქვს მაგისტრის ხარისხი (MBA) სან-ფრანცისკოს Hult International Business School-ში, ხოლო ბაკალავრის ხარისხი ეკონომიკაში თბილისის სახელმწიფო უნივერსიტეტში.
S
