ჩოგბურთის ყოველწლიური სამოყვარულო ტურნირი LOPOTA CUP 2025 გაიხსნა. ტურნირს ლოპოტა სპა რეზორტი 16-19 ოქტომბერს მასპინძლობს.
LOPOTA CUP 2025-ის საპრიზო ფონდი 35 000 ლარს შეადგენს. შეჯიბრებები გაიმართება როგორც ერთეულთა, ისე წყვილთა თანრიგში, ქალთა და მამაკაცთა შორის. მონაწილეები თამაშობენ ოლიმპიური სისტემით – 2 სრული სეტი და სუპერ ტაიბრეიკი.
ტურნირი წლების წინ ლოპოტას დამფუძნებლის, გოგა მაისურაძის ინიციატივით დაარსდა და ყოველწლიურად იმართება ლოპოტას პროფესიონალურ დონეზე მოწყობილ კორტებზე. წელს თამაშებზე 100-ზე მეტი მონაწილე დარეგისტრირდა.
ტურნირის მიზანია ჩოგბურთის პოპულარიზაცია და ჯანსაღი ცხოვრების წესის წახალისება.
LOPOTA CUP 2025-ის ტურნირის გენერალური სპონსორები არიან: სარაჯიშილი და იდეა სითი.
ტურნირის სპონსორები არიან: World Class Georgia, მაიზენი, პორშე ცენტრი თბილისი, Sun Factory TBS, წყალი ბაკურიანი, შატო ბუერა.
ტურნირის საინფორმაციო მხარდამჭერები არიან: Forbes Georgia, რუსთავი 2 , მარკეტერი, მედია ჰოლდინგი პალიტრა , Georgia Today და Lifestyle Art Magazine
