ავტორი: თინა სვანსონი
ფოტო: Lotus Laser Systems
Lotus Laser Systems ბრიტანული კომპანიაა, რომელიც 1995 წელს დაარსდა და ლაზერული ტექნოლოგიების ინდუსტრიაში მნიშვნელოვან პროგრესს აღწევს. კომპანიის ფოკუსი ლაზერული გრავირება და მარკირებაა, კერძოდ კი ულტრაიისფერი ლაზერული სისტემები. ინოვაციებზე, ხარისხზე და მომხმარებლის კმაყოფილებაზე ორიენტირებით, კომპანია მუდმივად აფართოებს ბაზრის საჭიროებებს მრავალ სექტორში.
ზრდისა და განვითარების გზა
Lotus Laser Systems დააარსეს დინ კარპენტერმა და მისმა გარდაცვლილმა მამამ, კეითმა, ლაზერული ტექნოლოგიების პოტენციალის შესასწავლად. ყველაფერი მცირე, საოჯახო ბიზნესიდან დაიწყეს და აქციეს საერთაშორისო ბიზნესად, რომელიც ახლა ბევრ ქვეყანაში ოპერირებს და მაღალკვალიფიციური სადისტიბუციო ქსელების დახმარებით თავისი პროდუქციის დიდი ნაწილი ექსპორტზე გააქვს.
კომპანიის ზრდა უკავშირდება მის მნიშვნელოვან ინვესტიციებს კვლევებსა და განვითარებაში. კომპანიის ციფრული ოფიცერი, ერინ დინი, აღნიშნავს: „ჩვენი ბიუჯეტისა და რესურსების მნიშვნელოვან ნაწილს ვახმართ კვლევასა და განვითარებას, რაც საშუალებას გვაძლევს განვავითაროთ ჩვენი ლაზერული ტექნოლოგიები და ვიყოთ ლიდერები ინდუსტრიაში.“ ამ ინვესტიციამ Lotus Laser Systems-ს საშუალება მისცა მომხმარებლისთვის შეეთავაზებინა მრავალი თანამედროვე ლაზერული სისტემა, მათ შორის გაუმჯობესებული 3-ღერძიანი (3D) სისტემები, ულტრაიისფერი (UV), გაუმჯობესებული MOPA ბოჭკოვანი სისტემები და მრავალი უნიკალური ტექნოლოგია.
Lotus Laser Systems-ის ბრენდი წლიდან წლამდე 40%-ით იზრდება, უმსხვილესს საექსპორტო ბაზარს კომპანიისთვის გერმანია წარმოადგენს. კონკურენტებისგან ისინი თავიანთი ისტორიით და უპრეცედენტო გზით გამოირჩევიან – ლაზერული ტექნოლოგიების მომხმარებლებიდან დისტრიბუტორები გახდნენ და შემდეგ დისტრიბუტორობიდან, კომპანია გლობალურად აღიარებული დიზაინერული და საწარმო ბიზნესად გარდაქმენს.
ულტრაიისფერი ლაზერული ტექნოლოგიების ლიდერი
Lotus Laser Systems-მა თავი ულტრაიისფერი ლაზერული ტექნოლოგიების ლიდერად დაიმკვიდრა. კომპანია იყენებს ულტრაიისფერი სინათლის უნიკალურ თვისებებს, მარკირებასა და გრავირების პროგრამებში ნანომეტრული სიზუსტისა და მრავალფეროვნების მისაღწევად. კომპანიის წამყვანი პროდუქტი, Meta-C 3D ულტრაიისფერი ლაზერული მარკირების მანქანაა და ის ბაზარზე ერთ-ერთი პირველი ხელმისაწვდომი სისტემაა, რომელსაც შეუძლია მეტალების, პლასტმასის, მინისა და სხვა მასალების მარკირება.
Meta-C UV სისტემის ზუსტი და კონტროლირებადი მარკირების პროცესი, მისი სამგანზომილებიანი (3D) (სამღერძიანი) ლაზერული თავით, უზრუნველყოფს რთული ფორმების სწრაფად და ზუსტად მარკირებას. ეს ტექნოლოგია განსაკუთრებით ბენეფიტურია ისეთი ინდუსტრიებისთვის, რომლებსაც სჭირდებათ სიზუსტე და მასალის მინიმალური დეფორმაცია, მაგალითად ელექტრონიკა, სამედიცინო მოწყობილობები და სხვა სფეროები, სადაც აუცილებელია მარკირება წაუშლელად დარჩეს.
პროგნოზებით, გლობალური ულტრაიისფერი ლაზერების ბაზარი, 2030 წლისთვის 3.2 მილიარდ დოლარს მიაღწევს, ხოლო 2023-2030 წლებში წლიური ზრდის ტემპი (CAGR) 7.5% იქნება. Lotus Laser Systems-ისთვის ამ ზრდის ტემპის შენარჩუნება რთული არ იქნება, ულტრაიისფერი ლაზერული ტექნოლოგიების სფეროში დიდი გამოცდილების და იმ ბაზრის წილის გათვალისწინებით, რომელიც ახლა უჭირავთ.
უნიკალური გადაწყვეტილებები და მომხმარებელზე ორიენტირებული მიდგომა
Lotus Laser Systems პრობლემების გადაჭრის უნიკალური გადაწყვეტილებებით გამოირჩევა. კომპანიის შიდა კვლევისა და განვითარების გუნდი მჭიდროდ თანამშრომლობს კლიენტებთან, იმისთვის, რომ მათი განსაკუთრებული საჭიროებები გაიგონ და ისეთი ლაზერულის სისტემები შექმნან, რომელიც საწარმოო პროცესების ოპტიმიზაციისთვის აუცილებელია.
კარპენტერი ხაზს უსვამს მომხმარებელზე ორიენტირებულ მიდგომას: „ჩვენი მიზანია, რომ ჩვენი კლიენტებისთვის არა მხოლოდ ლაზერული ტექნოლოგიების მომწოდებლები, არამედ სანდო პარტნიორები ვიყოთ და დავეხმაროთ მიაღწიონ მიზნებს ინოვაციური ლაზერული ტექნოლოგიების საშუალებით.“
ამ მიდგომით Lotus Laser Systems-მა ერთგული მომხმარებლები შეიძინა და მათ ლაზერულ სისტემებს მსოფლიოში ათასობით ბიზნესი უცხადებს ნდობას. ისინი ემსახურებიან სხვადასხვა ინდუსტრიას, მცირე სტარტაპებიდან დაწყებული საერთაშორისო კომპანიებამდე, და უზრუნველყოფენ პროფესიონალურ ინსტალაციას, ტრენინგებსა და მუდმივ მხარდაჭერას პარტნიორებისთვის, ოპტიმალური შედეგების მისაღწევად.
ხარისხის, სანდოობის და მდგრადი განვითარების ვალდებულება
Lotus Laser Systems ცნობილია თავისი პროდუქციის ხარისხით. კომპანია იყენებს ისეთი მაღალი ხარისხის მასალებს, როგორიცაა სამხედრო კლასის ალუმინი და მკაცრ პირობებში აწარმოებს ტესტირებას, რომ მისი ლაზერული სისტემები გამოყენებისა და გამძლეობისთ უმაღლეს სტანდარტებს აკმაყოფილებდეს. კომპანიის ტექნოლოგიები შექმნილია გრძელვადიანი გამოყენებისათვის, საშუალო მუშაობის ხანგრძლივობა 15 წელს აღემატება. ბაზარზე მათი კონკურენტები მხოლოდ სამიდან ათ წლამდე გარანტიას სთავაზობენ მომხმარებლებს, რაც ასახავს Lotus Laser Systems-ის ნდობას საკუთარი პროდუქციაში.
საწარმოების პასუხისმგებლობები წარმოების პროცესში გლობალური მასშტაბით იზრდება. Lotus Laser Systems ემსახურება მდგრად განვითარებას და წარმოების პროცესში ნერგავს სიახლეებს. კომპანია იყენებს ეკოლოგიურად სუფთა მასალებს საწარმოო პროცესებში და ქმნის ენერგოეფექტურ სისტემებს.
განვითარების და მომავლის გრძელვადიანი პერსპექტივები
Lotus Laser Systems-ი ლაზერული ტექნოლოგიების განვითარებას აგრძელებს და პარალელურად კლიენტების საჭიროებები დიდ პრიორიტეტად რჩება. კომპანიის უახლესი თანამშრომლობა Mark3D UK-თან წარმოადგენს ინოვაციისადმი სწრაფვის მაგალითს.
ეს პარტნიორობა აინტეგრირებს Lotus Laser Systems-ის მარკირების ტექნოლოგიას MarkForge 3D პრინტერების ექსპერტიზასთან, რაც ზრდისა და განვითარებისთვის ახალ შესაძლებლობებს წარმოქმნის. ამასთან ერთად, კომპანია ინდუსტრიაში მნიშვნელოვან ავტომატიზაციის განვითარების ნაბიჯებს გადის, ავტომატიზირებული კობოტური სისტემის განვითარებით, რომელიც იყენებს Cobot ტექნოლოგიას მისი μMeta სისტემისა და აკუმულატორ Table-ის კომბინაციით.
Lotus Laser Systems გეგმავს თავისი ძალების გაძლიერებას გლობალურ მარკეტზე უკვე არსებული ბაზრებში, როგორიცაა დიდი ბრიტანეთი, ირლანდია, ავსტრალია, ახალი ზელანდია, გერმანია, საფრანგეთი, ნორვეგია და შვედეთი, და გაფართოვდეს ახალ ქვეყნებში, როგორიცაა კანადა, იტალია და აშშ.
კარპენტერი საუბრობს კომპანიის გზასა და მომავლის პერსპექტივებზე: „ჩვენ დიდი გზა გავიარეთ ჩვენი მოკრძალებული დასაწყისიდან, მაგრამ ჩვენი მოგზაურობა ჯერ არ დასრულებულა. ჩვენ გავაგრძელებთ არსებულ გამოწვევებზე მუშაობას და მსოფლიოს ბიზნესებს გზას გავუმარტივებთ. ეს არის Lotus Laser Systems-ის დაპირება.“
ლაზერული ტექნოლოგიების ინდუსტრიას აძლიერებს ისეთი ახალი ტექნოლოგიები, როგორიცაა ფემტოსეკუნდური ლაზერები, კვანტური წერტილების ნახევარგამტარების ლაზერები და ხელოვნური ინტელექტის ინტეგრაცია. Lotus Laser Systems აპირებს, რომ მოერგოს ტრენდებს. მისი ინოვაციის, მომხმარებელზე ორიენტირებული გადაწყვეტილებების და მდგრადი პრაქტიკების კომბინაცია ინდუსტრიაში მათი ლიდერობის იმუნიტეტია.
S
