Microsoft-მა ძვირად ღირებული კომპანიების რეიტინგში მე-2 ადგილზე გადაინაცვლა

Microsoft-მა ძვირად ღირებული კომპანიების რეიტინგში მე-2 ადგილზე გადაინაცვლა

ამერიკულმა ტექნოლოგიურმა გიგანტმა, Microsoft-მა მსოფლიოს ყველაზე ძვირად ღირებული კომპანიების რეიტინგში არაბულ Saudi Aramco-ს გადაუსწრო და მეორე ადგილზე გადაინაცვლა. რეიტინგში პირველ პოზიციას კომპანია Apple-ი იკავებს.

Microsoft-ის საბაზრო კაპიტალიზაცია ამჟამად 2 ტრილიონ დოლარს აღწევს, რაც გასულ 24 საათში მისი აქციების ღირებულების 4%-იანი ზრდითაა განპირობებული.

Microsoft-ის აღმასვლა OpenAI-სთან თანამშრომლობითაა განპირობებული. ხელოვნურ ინტელექტ ChatGPT-ში ინვესტირების შემდეგ, Microsoft-მა ახალი ტექნოლოგიური შესაძლებლობები მიიღო, რასაც ინვესტორები დადებითად აფასებენ.

უახლოეს მომავალში Microsoft-ის ფლაგმანური პროდუქტები, მათ შორის: Windows-ი, Bing-ი, Azure-ი და Office-ი OpenAI-ს მიერ შექმნილი ხელოვნური ინტელექტით აღიჭურვება, რაც ზემოხსენებული სერვისების კონკურენტუნარიანობას მკვეთრად გაზრდის.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *