ღვინო მსოფლიოში ერთ-ერთ ყველაზე პოპულარულ ალკოჰოლურ სასმელად მიიჩნევა. ყოველწლიურად გლობალურად მილიარდობით ლიტრი ღვინო ისმევა, მოხმარების განსაკუთრებით მაღალი მაჩვენებელი კი ჩრდილოეთ ამერიკასა და ევროპაშია, სადაც ღვინის კულტურა საუკუნეებს ითვლის.
მიუხედავად იმისა, რომ სასმლის მოხმარების ჩვევები იცვლება და სხვა სასმელებისგან კონკურენცია იზრდება, ღვინის მოხმარების მაჩვენებელი მაინც იმატებს. ვაზისა და ღვინის საერთაშორისო ორგანიზაციის (OIV) მონაცემების საფუძველზე გთავაზობთ ქვეყნების ჩამონათვალს, რომლებიც ყოველწლიურად ყველაზე მეტ ღვინოს მოიხმარენ.
OIV-ის მონაცემებით, 2024 წელს მსოფლიოში მოხმარებული ღვინის მოცულობამ დაახლოებით 21.5 მილიარდი ლიტრი შეადგინა, საიდანაც 70%-ზე მეტი მხოლოდ 10 ქვეყანაზე მოდის.
სიაში პირველ ადგილზე ამერიკის შეერთებული შტატებია, სადაც 2024 წელს 3.33 მილიარდი ლიტრი ღვინო დაილია. ეს ამავე წელს მსოფლიოში მოხმარებული ღვინის 15.6%-ს წარმოადგენს. აშშ-ს ღვინის მოხმარებით სიაში საფრანგეთი და იტალია მოჰყვებიან, შესაბამისად, 2.30 მილიარდი ლიტრითა და 2.23 მილიარდი ლიტრით.
ტოპ-ხუთეულს კი გერმანია (1.78 მილიარდი ლიტრი) და გაერთიანებული სამეფო (1.26 მილიარდი ლიტრი) ასრულებენ. აქვე აღსანიშნავია, რომ სიის პირველ ათეულში ევროპაში მდებარე შვიდი ქვეყანა შედის.
20 ქვეყანა, სადაც ყველაზე მეტ ღვინოს მოიხმარენ (2024 წელი):
| ადგილი | ქვეყანა | მოხმარება (მილიარდ ლიტრში) | გლობალური წილი |
|---|---|---|---|
| 1 | აშშ | 3.33 | 15.6% |
| 2 | საფრანგეთი | 2.30 | 10.7% |
| 3 | იტალია | 2.23 | 10.4% |
| 4 | გერმანია | 1.78 | 8.3% |
| 5 | გაერთიანებული სამეფო | 1.26 | 5.9% |
| 6 | ესპანეთი | 0.99 | 4.6% |
| 7 | რუსეთი | 0.81 | 3.8% |
| 8 | არგენტინა | 0.77 | 3.6% |
| 9 | პორტუგალია | 0.56 | 2.6% |
| 10 | ჩინეთი | 0.55 | 2.6% |
| 11 | ავსტრალია | 0.53 | 2.5% |
| 12 | კანადა | 0.46 | 2.1% |
| 13 | სამხრეთი აფრიკა | 0.43 | 2.0% |
| 14 | ნიდერლანდები | 0.32 | 1.5% |
| 15 | ბრაზილია | 0.31 | 1.5% |
| 16 | იაპონია | 0.31 | 1.4% |
| 17 | რუმინეთი | 0.30 | 1.4% |
| 18 | შვეიცარია | 0.22 | 1.0% |
| 19 | ავსტრია | 0.22 | 1.0% |
| 20 | უნგრეთი | 0.20 | 0.9% |
| – | სხვა ქვეყნები | 3.53 | 16.5% |
| – | მსოფლიო ჯამში | 21.4 | 100% |
