Reputation Lab-მა მსოფლიოს 60 წამყვანი ეკონომიკა მათი რეპუტაციის მიხედვით შეაფასა და ანგარიში RepCore Nations 2025 გამოაქვეყნა. ქვეყნებმა, რომლებიც უფრო კარგი რეპუტაციის სარგებლობენ, შესაძლოა მეტი უცხოური ინვესტიცია ან ტურისტი მიიზიდონ და საერთაშორისო ინსტიტუტებში პრივილეგიებითაც ისარგებლონ.
კვლევის ფარგლებში, G7-ის მოქალაქეებს (კანადა, საფრანგეთი, გერმანია, იტალია, იაპონია, დიდი ბრიტანეთი და აშშ) სთხოვეს, შეეფასებინათ სხვა ერები რეპუტაციის ისეთი ფაქტორების მიხედვით, როგორიცაა ნდობა, აღტაცება, პატივისცემა და საერთო იმიჯი.
რეპუტაციის მიხედვით გლობალურ რეიტინგში შვეიცარია და კანადა ლიდერობენ. მათ შორის შვეიცარიამ პირველი ადგილი შეინარჩუნა. ის სხვა ქვეყნის მოქალაქეებს ნეიტრალიტეტით, მმართველობითა და ცხოვრების ხარისხით აღაფრთოვანებს.
1815 წლიდან შვეიცარიას არ მიუღია მონაწილეობა, როგორც მებრძოლ მხარეს, სახელმწიფოებს შორის ომში. მისი ოფიციალურად აღიარებული მუდმივი ნეიტრალიტეტის პოლიტიკა, რომელიც ვენის კონგრესზე დამკვიდრდა, შვეიცარიის საგარეო პოლიტიკას ორ საუკუნეზე მეტია, განსაზღვრას.
რაც შეეხება კანადას, ის 2024 წელთან შედარებით ორი პოზიციით დაწინაურდა და წლევანდელ რეიტინგში მეორე ადგილი დაიკავა. მან რეპუტაცია მეტი ინკლუზიურობითა და დიპლომატიურობით განიმტკიცა, რომელიც ქვეყანას უკვე დიდი ხანია, გამოარჩევს.
მოწნავე პოზიციებს ინაწილებენ სკანდინავიური ქვეყნებიც. ნორვეგია, შვედეთი, ფინეთი და დანია პირველ ექვსეულში მოხვდნენ. ეს ქვეყნები სტაბილურობის, გამჭვირვალობისა და გარემოსდაცვითი ლიდერობის გლობალური იმიჯით სარგებლობენ.
2024 წელთან შედარებით რეიტინგში ყველაზე დიდი ცვლილება აშშ-მა განიცადა, რომელიც 18 პოზიციით დაქვეითდა და 48-ე ადგილზე გადავიდა. რეიტინგში ქვეყნის ჩამოქვეითების სავარაუდო მიზეზებს შორის ტარიფების მუქარასა და NATO-ს მიმართ დამოკიდებულების ცვლილებას ასახელებენ, რაც შესაძლოა, აშშ-ის პოლიტიკისა და მისი საერთაშორისო ჩართულობის მიმართ სკეპტიციზმს აძლიერებდეს.
60 ქვეყანას შორის ბოლო ადგილზე რუსეთია, რომლის რეპუტაციაზეც, დიდი ალბათობით, ურაყოფითად უკრაინაში მიმდინარე ომი მოქმედებს. ბოლოდან მეორე ადგილს ირანი იკავენს, მესამეს კი – ერაყი.
| რეიტინგი | ქვეყანა | ცვლილება 2024 წელთან შედარებით |
|---|---|---|
| 1 | შვეიცარია | 0 |
| 2 | კანადა | +2 |
| 3 | ნორვეგია | -1 |
| 4 | შვედეთი | -1 |
| 5 | ფინლანდია | +2 |
| 6 | დანია | -1 |
| 7 | ახალი ზელანდია | -1 |
| 8 | იაპონია | +4 |
| 9 | ნიდერლანდები | +1 |
| 10 | ირლანდია | -1 |
| 11 | ავსტრალია | -3 |
| 12 | ავსტრია | -1 |
| 13 | იტალია | +1 |
| 14 | ესპანეთი | 0 |
| 15 | პორტუგალია | +1 |
| 16 | საბერძნეთი | +1 |
| 17 | ბელგია | -2 |
| 18 | გაერთიანებული სამეფო | 0 |
| 19 | სინგაპური | 0 |
| 20 | გერმანია | +1 |
| 21 | საფრანგეთი | -1 |
| 22 | ტაივანი | 0 |
| 23 | პოლონეთი | +1 |
| 24 | ტაილანდი | 0 |
| 25 | ჩეხეთის რესპუბლიკა | -3 |
| 26 | უკრაინა | +2 |
| 27 | პერუ | +4 |
| 28 | ბრაზილია | +1 |
| 29 | მალაიზია | -3 |
| 30 | მაროკო | +3 |
| 31 | სამხრეთი კორეა | -6 |
| 32 | უნგრეთი | +3 |
| 33 | ფილიპინები | -1 |
| 34 | ინდონეზია | -7 |
| 35 | ჩილე | -1 |
| 36 | ეგვიპტე | +2 |
| 37 | ვიეტნამი | 0 |
| 38 | არგენტინა | -2 |
| 39 | მექსიკა | +2 |
| 40 | არაბთა გაერთ. საამიროები | -1 |
| 41 | რუმინეთი | 0 |
| 42 | სამხრეთი აფრიკა | -2 |
| 43 | თურქეთი | +1 |
| 44 | კატარი | +4 |
| 45 | ინდოეთი | -2 |
| 46 | ალჟირი | +5 |
| 47 | ქუვეითი | 0 |
| 48 | აშშ | -18 |
| 49 | ყაზახეთი | +1 |
| 50 | კოლომბია | -1 |
| 51 | ეთიოპია | -4 |
| 52 | ნიგერია | 0 |
| 53 | საუდის არაბეთი | +2 |
| 54 | ბანგლადეში | -4 |
| 55 | ისრაელი | -1 |
| 56 | პაკისტანი | 0 |
| 57 | ჩინეთი | 0 |
| 58 | ერაყი | +1 |
| 59 | ირანი | -1 |
| 60 | რუსეთი | 0 |
