2017 წლის 31 დეკემბრის მდგომარეობით, 2016 წელთან შედარებით, საქართველოს საგარეო ვალი 1.4 მილიარდი დოლარით გაიზარდა და 17.2 მილიარდი დოლარი შეადგინა. ვალის მოცულობის მატების და ლარის გაუფასურების გამო, მნიშვნელოვნად გაიზარდა საგარეო ვალის მთლიან შიდა პროდუქტთან ფარდობის მაჩვენებელი, რაც ვალის ტვირთის გამომხატველია. 2017 წლის 31 დეკემბრის მდგომარეობით, საქართველოს საგარეო ვალი მშპ-ის მიმართ 113.5%-ია. 2013 წლის ბოლოს მშპ-ის მიმართ 83.2% იყო.
ქვეყნის მთლიანი საგარეო ვალი, მოიცავს როგორც სახელმწიფო, ასევე კერძო სექტორის ვალებს. 2017 წელს მთავრობის საგარეო ვალი 617 მილიონი დოლარით გაიზარდა. 700 მილიონი დოლარით გაიზარდა კომერციული ბანკების საგარეო ვალი. 106 მილიონი დოლარით შემცირდა არასაფინანსო სამეწარმეო სექტორის ვალი. 25 მილიონი დოლარით გაიზარდა პირდაპირი უცხოური ინვესტიციების სახით არსებული კომპანიათაშორისი სესხები.
ცხრილი: საქართველოს საგარეო ვალი, მლნ აშშ დოლარებში
| 2012 | 2013 | 2014 | 2015 | 2016 | 2017 |
სამთავრობო სექტორი | 4,251 | 4,191 | 4,256 | 4,390 | 4,678 | 5,295 |
ეროვნული ბანკი | 582 | 338 | 252 | 219 | 200 | 291 |
ბანკები | 2,469 | 2,647 | 2,683 | 2,957 | 2,974 | 3,675 |
არასაბანკო საფინანსო კორპორაციები | 172 | 187 | 220 | 247 | 255 | 148 |
არასაფინანსო კორპორაციები | 3,156 | 3,285 | 3,367 | 4,257 | 5,176 | 5,207 |
პირდაპირი ინვესტიციები: კომპანიათაშორისი სესხები | 2,785 | 2,786 | 3,212 | 3,152 | 2,575 | 2,601 |
მთლიანი საგარეო ვალი | 13,415 | 13,433 | 13,989 | 15,222 | 15,859 | 17,217 |
წყარო: საქართველოს ეროვნული ბანკი
გრაფიკი: საქართველოს საგარეო ვალი მშპ-ის მიმართ
