საქსტატის ინფორმაციით, დეკემბერში საცხოვრებელი სეგმენტის ინდექსი წინა თვესთან შედარებით 2.5%-ით გაიზარდა, ხოლო წინა წლის შესაბამის თვესთან შედარებით 6.3%-იანი ზრდა დაფიქსირდა.
რაც შეეხება არასაცხოვრებელ სეგმენტს, ამ შემთხვევაში დეკემბერში ინდექსი წინა თვესთან შედარებით 1.8%-ით გაიზარდა, 2024 წლის შესაბამის თვესთან შედარებით კი 8.8%-ით.
სამოქალაქო სეგმენტის ინდექსში თვიურ ჭრილში 3.3%-იანი ზრდა აღინიშნა, წლიურ ჭრილში კი 2.9%-იანი მატება.
როგორც სტატისტიკის ეროვნული სამსახურის ანგარიშში ვკითხულობთ, თვიურ ჭრილში ცვლილება, ძირითადად, მშენებლობის დარგში დაქირავებით დასაქმებულთა საშუალო თვიური ნომინალური ხელფასის 15.3%-იანი ზრდით იყო განპირობებული, რამაც 2.78 პროცენტული პუნქტი შეიტანა ჯამური ინდექსის ცვლილებაში.
საქსტატის ცნობით, წლიურ ჭრილში ზრდა, „გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 23.9%-იანი მატებით და სხვა ხარჯების კატეგორიის 4.0%-იანი ზრდით, რამაც შესაბამისად, 5.09 და 0.24 პროცენტული პუნქტი შეიტანა ჯამური ინდექსის ცვლილებაში.“
ამასთან, აღსანიშნავია, რომ 2022 წლის თებერვალთან შედარებით მშენებლობის ღირებულების ინდექსი 29.2%-ით არის გაზრდილი.
