17-19 იანვარს თბილისში დემოკრატიული ტექნოლოგიების ჰაკათონი გაიმართა. ღონისძიებაში მონაწილეობის სურვილი გამოთქვა 100-ზე მეტმა ადამიანმა, რომელთაგან, საბოლოოდ, 8 გუნდი შეიკრა.
3-დღიანი ჰაკათონის პირველი ორი დღე მონაწილეების დაჯგუფებას, იდეების ჩამოყალიბებასა და განვითარებას დაეთმო. დამსწრეები და მონაწილეები გაეცნენ ფორმატს, წესებსა და განრიგს.
პირველ დღეს გაიმართა პანელური დისკუსია, რომლის სპიკერებიც იყვნენ აქტიური მოქალაქეები, სხვადასხვა სამოქალაქო ჯგუფის წარმომადგენლები, მოძრაობების დამფუძნებლები და DemTech პროდუქტების ავტორები, რომლებმაც ყურადღება გაამახვილეს სამოქალაქო აქტივიზმის, დემოკრატიის გამოწვევებზე და ტექნოლოგიების, ინდივიდუალური ძალისხმევის როლზე.
აუდიტორიის ჩართულობით დისკუსიას უძღვებოდნენ:
- დოდი ხარხელი – მოდერატორი – ციფრული კომუნიკაციის სპეციალისტი;
- მაშო ლომაშვილი – Skhivi.com-ის თანადამფუძნებელი;
- ანა ტოკლიკიშვილი – Vinivici-ის თანადამფუძნებელი, DemTech მეწარმეთა პროგრამის ალუმნი;
- საბა ჯაჯანიძე – სინათლის მოძრაობის თანადამფუძნებელი;
- ილია ღლონტი – „დაიტოვეს“ თანადამფუძნებელი.
ჰაკათონის მეორე დღეს აქტუალური სამოქალაქო გამოწვევების შესახებ პრეზენტაციები წარადგინეს სპიკერებმა:
- ალექს ამირეჯიბი – Tbilisi Information Collective-ის ML ინჟინერი;
- შოთა დიღმელაშვილი – Forbes Georgia-ის მთავარი რედაქტორი.
19 იანვარს, დემო დღეზე, გაიმართა კიდევ ერთი პანელური დისკუსია, რომლის მონაწილეებმაც მიმდინარე პროტესტის გამოწვევებზე ისაუბრეს, გუნდებმა კი გამოცდილ მენტორებსა და ექსპერტებთან ინტენსიური მუშაობის შემდეგ, პროდუქტის საბოლოო პროტოტიპები, პრეზენტაციასთან ერთად, დამოუკიდებელი ჟიურის წინაშე წარადგინეს.
ჟიურის წევრებმა გამოარჩიეს თინათინ ბოლქვაძის, როკო მწყერაშვილის, ლევან კოტოლაშვილისა და გიორგი ჭილაიას გუნდი პროექტით Tbilisi Loves EU. პროექტი ხალხმრავალი აქციების ერთ-ერთ პრობლემას, უინტერნეტობასა და შესაბამისად, ინტერნეტის შეწყვეტისას არასრულყოფილ კავშირს აგვარებს.
Tbilisi Loves EU ამისთვის იყენებს LAN Mesh Network-ის მოწყობილობებს, რომლებიც ერთმანეთს უკავშირდებიან და რადიოტალღურ სიგნალებს ქმნის.
სპეციალური აპლიკაციის საშუალებით, ადამიანს შეუძლია დაუკავშირდეს Tbilisi Loves EU-ს ქსელს, რომელსაც მოწყობილობები რუსთაველის მიმდებარე ტერიტორიაზე შექმნის. პროექტის ავტორების თანახმად, ეს იქნება დიდი, უსაფრთხო და დაცული ქსელი, რომელიც ინფორმაციის სწრაფად და უსაფრთხოდ გავრცელებისთვის გამოიყენება.
Tbilisi Loves EU-ს გარდა, გუნდებმა ჟიურის წარუდგინეს შემდეგი პროექტებიც: „გაანათე“, „იწყება“, „ჩექერსი“, „კიარა“, „შენც გეხება“, Rebased AI და Mediagram-ი.
თითოეულმა პარტნიორმა რჩეულ გუნდებს გრძელვადიან პრიზები, იდეების განხორციელებისა და იმპლემენტაციისთვის მხარდაჭერის სხვადასხვა პაკეტი გადასცა:
- Startup Büro: სტარტაპ ბიურო წლის განმავლობაში გამარჯვებულ გუნდებს მისცემს ხილვადობას სხვადასხვა პლატფორმის ფარგლებში;
- Axel: საქართველოს ანგელოზი ინვესტორების ქსელი, პარტნიორებთან ერთად, შექმნის ჰაკათონის შედეგების იმპლემენტაციისთვის სატრენინგო პროგრამას, რომელშიც რჩეული გუნდები მიიღებენ მონაწილეობას. მათთან იმუშავებენ Axel-ის წევრი ანგელოზი ინვესტორები, რათა დაეხმარონ სწორი ბიზნეს მოდელების შექმნასა და პროდუქტის ბაზარზე დანერგვაში. პროგრამის დასასრულს, მონაწილეებს ექნებათ შესაძლებლობა, მოიზიდონ ინვესტორებისგან ფინანსური მხარდაჭერაც. Axel-ის რჩეულ გუნდებს ჟიური გამოაცხადებს და მათ იანვრის ბოლომდე დაუკავშირდება დამატებითი ინფორმაციით;
- Impact Hub Tbilisi: ჰაკათონის გამარჯვებულ გუნდს გადაეცემა 1 თვიანი ულიმიტო საწევრო Impact Hub Tbilisi-ში;
- Forbes: რჩეული იდეისა და გუნდის წევრების შესახებ ვრცელი სტატია ჟურნალში და ტექ გადაწყვეტილების შემქმნელთა ნომინირება Forbes Under 30-ის სიაში, სოციალური ზეგავლენის კატეგორიაში.
აღსანიშნავია, რომ ჟიურის წევრებს შორის იყვნენ:
- გიორგი აბრამიშვილი – Axel-ის წევრი ინვესტორი და Energy Solutions, Trading Solutions, Data Centers Solutions-ის მმართველი პარტნიორი;
- ალექს ამირეჯიბი – Tbilisi Information Collective-ის ML ინჟინერი;
- ნატო ჩაკვეტაძე – EU4Innovation East – Expertise France-ის ეროვნული კოორდინატორი;
- შოთა დიღმელაშვილი – Forbes Georgia-ის მთავარი რედაქტორი;
- ანუკი რობაქიძე – Theneo-ს დამფუძნებელი;
- ანი ახალკაცი – სამოქალაქო ჩართულობის ექსპერტი;
- მიხეილ ჯანელიძე – Axel-ის წევრი და ანგელოზი ინვესტორი.
გუნდებს იდეების ჩამოყალიბებაში კი ეხმარებოდნენ მენტორები:
- სალომე ჯოჯუა – 4S-ის დამფუძნებელი პარტნიორი და იურიდიული სამსახურის ხელმძღვანელი;
- ნიკა აბრამიშვილი – Data Center Solutions-ის საოპერაციო დირექტორი;
- ლალუ პატარაია – Start – Business Solutions-ის მმართველი პარტნიორი;
- ნიკა აბრამიშვილი – Data Center Solutions-ის საოპერაციო დირექტორი;
- ბექა დალაქიშვილი – ტექ-ანტრეპრენიორი;
- გიგა მირზიკაშვილი – Optio.Ai-ის თანადამფუძნებელი;
- ელენე ბიბილეიშვილი – Hapttic-ის და Ad Summit-ის თანადამფუძნებელი და აღმასრულებელი დირექტორი;
- ირაკლი მირზიკაშვილი – Ekimo Tech-ის აღმასრულებელი დირექტორი;
- გიორგი ხაჩიძე – KLIPY-ის საოპერაციო დირექტორი;
- გიორგი სიმონგულაშვილი – GEC Consulting-ისა და Axel-ის პარტნიორი;
- გური ქოიავა – Forbes Georgia-ს გუნდის წევრი, Axel-ის და Startup Büro-ს თანადამფუძნებელი;
- ჯაბა კიკვიძე – Global Sakartvelo-ს პრეზიდენტი და Axel-ის ანგელოზი ინვესტორი.
ცნობისთვის, DemTech ჰაკათონი მიზნად ისახავს ტექნოლოგიების გამოყენების სტიმულირებას დემოკრატიული მოძრაობების მხარდასაჭერად. ღონისძიება შექმნილია იმისთვის, რომ იდენტიფიცირდეს დემოკრატიის გამოწვევები, მოიძებნოს მათი ტექნოლოგიური გადაწყვეტილებები, რაც საზოგადოებას სამოქალაქო თავისუფლების დაცვასა და გაძლიერებაში დაეხმარება.
დემოკრატიული ტექნოლოგიების ჰაკათონი გაიმართა Startup Büro-ს, UNDER 30 • Forbes Georgia-ს, Axel-ისა და Impact Hub Tbilisi-ის პარტნიორობით. ღონისძიებას მასპინძლობდნენ კავკასიის უნივერსიტეტი და პუბლიკა.
ღონისძიებას მხარს უჭერდნენ: Forbes Under 30, კავკასიის უნივერსიტეტი, პუბლიკა, Loialte, Contractor, GEC Consulting.
