ФСБ ტაქსის მგზავრების შესახებ ინფორმაციის გადაცემას მოითხოვს

ФСБ ტაქსის მგზავრების შესახებ ინფორმაციის გადაცემას მოითხოვს

რუსეთის ტრანსპორტის სამინისტრომ საკანონმდებლო ცვლილების ახალი პაკეტი წარადგინა, რომელიც ტაქსის მძღოლებს და სატრანსპორტო სერვისების პროვაიდერებს ავალდებულებს – ფედერალური უსაფრთხოების სამსახურს (ФСБ) პირდაპირ რეჟიმში გაუზიარონ ინფორმაცია მგზავრებისა და მარშრუტების შესახებ.

კანონპროექტის თანახმად, უსაფრთხოების სამსახურს ექნება უფლება – მიიღოს, დაამუშაოს და შეინახოს ინფორმაცია მგზავრებისა და შეკვეთების შესახებ.

გარდა ამისა, რეგიონული სანავიგაციო და საინფორმაციო სისტემა GPS-ის საშუალებით პირდაპირ რეჟიმში მიიღებს ინფორმაციას ავტომობილისა და მისი მძღოლის ადგილმდებარეობის შესახებ.

ზუსტად რა სახის მონაცემებს მიიღებს ФСБ და რაში სჭირდება აღნიშნული ინფორმაცია უსაფრთხოების სამსახურს, კანონპროექტში განმარტებული არ არის.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *