2016 წლის მეოთხე კვარტალში დუბაი ტურისტული ბუმის მოლოდინშია, რაც ქვეყანაში ახალი ღირსშესანიშნაობების გახსნას უკავშირდება. დუბაიში ორი პარკის, IMG Worlds of Adventure-სა და Dubai Parks and Resorts-ის გახსნა ტურისტულ ბიზნესს საშუალებას აძლებს კარგ მომავალზე და მაღალ სტატისტიკურ მაჩვენებლებზე იფიქროს.
2016 წლის პირველ ნახევარში დუბაიმ 7,27 მლნ ტურისტი მიიზიდა. IMG Worlds of Adventure 31 აგვისტოს გაიხსნება. პარკში 20 ატრაქციონია. პირველივე წელს პარკში 4,5 მლნ ვიზიტორს ელოდებიან. 31 აგვისტოს გაიხსნება ასევე Dubai Parks and Resorts-იც, რომელიც პირველივე წელს სავარაუდოდ 6,7 მლნ ვიზიტორს მოემსახურება.
