საქართველოს ეროვნულმა ბანკმა საქართველოში მოქმედი კომერციული ბანკების მიმდინარე წლის სამი კვარტლის (იანვარ-სექტემბრის) ფინანსური მაჩვენებლები გამოაქვეყნა. ბანკების საბალანსო უწყისებიდან ირკვევა, რომ 30 სექტემბრის მდგომარეობით, ყველაზე მეტი სესხი – 7 773 მლნ ლარი „თიბისი ბანკს“ აქვს გაცემული. ბანკის სესხები 2016 წლის 30 სექტემბერთან შედარებით 57%-ით არის გაზრდილი, რაც მნიშვნელოვანწილად „რესპუბლიკა ბანკის“ შესყიდვამ განაპირობა.
მეორე ადგილზე „საქართველოს ბანკია“ 6 452 მლნ ლარით, რაც 21.4%-ით მეტია წინა წლის 30 სექტემბრის მდგომარეობით გაცემული სესხების მოცულობაზე. მესამეზე „ვითიბი ბანკი ჯორჯიაა“ 958 მლნ ლარით.
სესხების ზრდის ტემპით გამოირჩევა „ ზირაათ ბანკი“ (43.5%) და „ბაზის ბანკი“ (35.3%). გაცემული სესხების მოცულობა ყველაზე მეტად (63%-ით) „აზერბაიჯანის საერთაშორისო ბანკში“ შემცირდა.
ორ მსხვილ ბანკზე, „თიბისი ბანკზე“ და „საქართველოს ბანკზე“ გაცემული სესხების 70% მოდის.
ცხრილი: ბანკების მიერ გაცემული სესხების ზრდის ტემპი 2016 წლის 30 სექტემბერთან შედარებით
| ბანკის დასახელება | სესხების ზრდის ტემპი |
1 | თიბისი ბანკი | 57.0% |
2 | ზირაათ ბანკი | 43.5% |
3 | ბაზისბანკი | 35.3% |
4 | ხალიკ ბანკი | 27.0% |
5 | პაშა ბანკი | 22.7% |
6 | ფინკა ბანკი | 22.6% |
7 | საქართველოს ბანკი | 21.4% |
8 | ლიბერთი ბანკი | 13.4% |
9 | ვითიბი ბანკი ჯორჯია | 11.1% |
10 | პროკრედიტ ბანკი | 4.6% |
11 | ტერაბანკი | 4.0% |
12 | ბანკი ქართუ | -10.2% |
13 | იშ ბანკი | -23.0% |
14 | სილქ როუდ ბანკი | -44.7% |
15 | აზერბაიჯანის საერთაშორისო ბანკი | -63.0% |
16 | კრედო ბანკი | 2017 წლიდან არის ბანკი |
"Forbes Georgia-ის სარედაქციო ბლოგპოსტების სერია "როგორ გამდიდრდა“ და "საქართველო რეიტინგებში".
