მარტში ბათუმში ბინების გაყიდვები 20%-ით შემცირდა

Colliers Georgia-ს მიერ გამოქვეყნებული ანგარიშის თანახმად, 2024 წლის მარტში ბათუმში საცხოვრებელი ბინების ტრანზაქციების რაოდენობა გასული წლის მარტთან შედარებით 20%-ით, 1,185 ერთეულამდე შემცირდა. ამავე პერიოდში ბაზრის ზომა 14%-ით შემცირდა და 56 მილიონი აშშ დოლარი შეადგინა.

ახალაშენებული ბინების ტრანზაქციების რაოდენობა 18%-ით შემცირდა, ძველი ბინების შემთხვევაში კი 28%-იანი კლება დაფიქსირდა. ახალაშენებული ბინების საშუალო შეწონილი ფასი 10%-ით გაიზარდა და კვ.მ-ზე 992 აშშ დოლარი შეადგინა. ძველი ბინების შემთხვევაში კი მაჩვენებელი 2%-ით, 689 აშშ დოლარამდე შემცირდა.

რაც შეეხება მიმდინარე წლის პირველ კვარტალს, აღნიშნულ პერიოდში ბათუმში საცხოვრებელი ბინების ტრანზაქციების რაოდენობა გასული წლის პირველ კვარტალთან შედარებით 24%-ით, 3,374 ერთეულამდე შემცირდა. ამავდროულად, ბაზრის ზომა 20%-ით შემცირდა და 152 მილიონი აშშ დოლარი შეადგინა. ახალაშენებული ბინების საშუალო შეწონილი ფასი 5%-ით გაიზარდა და კვ.მ-ზე 945 აშშ დოლარი შეადგინა. ძველი ბინების შემთხვევაში კი მაჩვენებელი 6%-ით, 685 აშშ დოლარამდე შემცირდა.