2019 წლის პირველ კვარტალში, იანვარ-მარტში, საქართველოში 2 მილიარდი დოლარის ღირებულების საქონელი შემოვიდა იმპორტით, რაც 2018 წლის იანვარ-მარტის მაჩვენებელზე 4.7%-ით ნაკლებია. თანხაში გამოხატული კლება დაახლოებით 100 მლნ დოლარია. ყველაზე მაღალი შემცირება მარტში იყო – 105 მლნ დოლარი.
იმპორტის შემცირება შემდეგი ძირითადი საიმპორტო პროდუქციის შემოტანის კლებამ განაპირობა: ნავთობპროდუქტები (ძირითადად საავტომობილო საწვავი) შემცირდა 37 მლნ დოლარით, კომპიუტერების და მისი ნაწილების იმპორტი 26 მლნ დოლარით, მანგანუმის მადნები და კონცეტრატები 13 მლნ დოლარით, შაქარი 8 მლნ დოლარით, სიგარეტი 7 მლნ დოლარით, ტელეფონები 6 მლნ დოლარით და ხორბალი 5 მლნ დოლარით.
ცხრილი: ტოპ-10 საიმპორტო პროდუქცია პირველ კვარტალში, მლნ დოლარებში
| 2018 | 2019 | ცვლილება |
ნავთობპროდუქტები | 187 | 150 | -37 |
ნავთობის აირები (გაზი) | 119 | 131 | 12 |
სპილენძის მადნები | 80 | 120 | 40 |
მსუბუქი ავტომობილები | 120 | 119 | -1 |
მედიკამენტები | 72 | 89 | 17 |
ტელეფონები | 45 | 39 | -6 |
ელექტროენერგია | 27 | 23 | -4 |
ხორბალი | 28 | 23 | -5 |
რეზინის სალტეები და საბურავები | 18 | 22 | 4 |
სიგარეტი | 24 | 17 | -7 |
წყარო: საქსტატი
