ფოტო: Getty Images
სტატისტიკის ეროვნული სამსახურის მონაცემებით, 2026 წლის იანვარ-მარტში საქართველოდან განხორციელებული საქონლის ექსპორტის მოცულობამ, არადეკლარირებული ექსპორტის გარეშე, 1.72 მილიარდ აშშ დოლარს გადააჭარბა. ეს 23.4%-ით მეტია გასული წლის შესაბამისი პერიოდის მაჩვენებელზე.
აღსანიშნავია, რომ ადგილობრივი ექსპორტი (ექსპორტი რეექსპორტის გარეშე), მთლიანი ექსპორტის 65.1%-ს უტოლდება. მაჩვენებელი წინა წლის შესაბამის პერიოდთან შედარებით 75.1%-ით გაიზარდა და 1.12 მილიარდ აშშ დოლარს გადააჭარბა.
ადგილობრივი ექსპორტის ათეულში პირველ ადგილზე ნავთობი და ნავთობპროდუქტები არის წარმოდგენილი 200.7 მლნ. აშშ დოლარით, აღნიშნული სასაქონლო ჯგუფის წილი მთლიანი ადგილობრივი ექსპორტის 17.9%-ს შეადგენს. მეორე ადგილზე ძვირფასი ლითონის მადნები და კონცენტრატებია, 169.9 მლნ. აშშ დოლარით (მთლიანი ადგილობრივი ექსპორტის 15.1%), ხოლო მესამე ადგილს ფეროშენადნობები იკავებს 75.8 მლნ. აშშ დოლარით (მთლიანი ადგილობრივი ექსპორტის 6.8%).
საქართველოს 10 უმსხვილესი სავაჭრო საქონელი იანვარ-მარტში ადგილობრივ ექსპორტში:
