AR-სათვალეების კომპანია Magic Leap-მა $500 მილიონის ინვესტიცია მოიზიდა

AR-სათვალეების კომპანია Magic Leap-მა $500 მილიონის ინვესტიცია მოიზიდა

გაფართოებული რეალობის სათვალეების ბაზრის ერთ-ერთმა კომპანიამ, Magic Leap-მა $500 მილიონის ინვესტიცია მოიზიდა, რომელსაც თავის კლასში საუკეთესო AR-ფუნქციონალის მქონე პროდუქტების შესაქმნელად გამოიყენებს. ახალი თაობის პირველი სათვალე – Magic Leap 2, – ბაზარზე 2022 წელს გამოჩნდება.  ამ ფინანსური გარიგების შედეგად, Magic Leap-ის ღირებულება $2 მილიარდად შეფასდა.

ცნობისთვის, გასულ წელს Magic Leap-მა და მისმა პარტნიორებმა აჩვენეს, რომ მათი პროდუქტის გამოყენება სწავლების, წარმოებისა და ჯანდაცვის სექტორებში შეიძლება. გარდა ამისა, თავის ისედაც მსხვილ საპატენტო პორტფელს კომპანიამ არაერთი ახალი პატენტი შემატა, მათ შორის არის Magic Leap 2-ში გამოყენებული ტექნოლოგიები, რომლებიც ამ პროდუქტს ინდუსტრიული გამოყენების მქონე ყველაზე მცირე და მსუბუქ სათვალედ აქცევს.

ფოტო: Magic Leap

აღსანიშნავია, რომ თავდაპირველად კომპანია საცალო მოხმარების გაფართოებული რეალობის სათვალეებს აწარმოებდა და $3 მილიარდამდე მოცულობის ჯამური ინვესტიციაც კი მოიზიდა. თუმცა მოგვიანებით კომპანიიდან ათასი თანამშრომელი გაათავისუფლეს, რის მერეც კომპანიამ სამომხმარებლო ბაზარი დატოვა და ინდუსტრიული გამოყენების მქონე სათვალეების წარმოებაზე გადავიდა.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *