ფრანგული ენერგოკომპანია TotalEnergies რუსეთისგან ნავთობის ყიდვას შეწყვეტს

ფრანგული ენერგოკომპანია TotalEnergies რუსეთისგან ნავთობის ყიდვას შეწყვეტს

უმსხვილესი ფრანგული ენერგოკომპანია TotalEnergies წლის ბოლომდე რუსეთის ფედერაციისგან ნედლი ნავთობის და სხვა ნავთობპროდუქტების შეძენას შეწყვეტს.

კომპანიის განმარტებით, უკრაინაში შექმნილი ვითარების გამო, TotalEnergies-ის მმართველმა საბჭომ მიიღო გადაწყვეტილება – აღარ გახანგრძლივდეს რუსეთთან გაფორმებული კონტრაქტები და 2022 წლის ბოლოსთვის ნავთობის შეძენა სრულად შეწყდეს.

აღსანიშნავია, რომ კომპანია არ გეგმავს რუსეთისგან ბუნებრივი აირის შეძენის შეწყვეტას, რაც ლოგისტიკური ფაქტორებითაა განპირობებული. TotalEnergies-ის შეფასებით, რუსულ გაზზე უარის თქმა მნიშვნელოვნად გაართულებს მომდევნო 2-3 წლის განმავლობაში ევროპის ბუნებრივი აირით სათანადოდ მომარაგებას.

რაც შეეხება რუსული ნავთობის ჩანაცვლების საკითხს, კომპანია დიზელის ტიპის საწვავის და სხვა ნავთობპროდუქტების ყიდვას საუდის არაბეთისგან გეგმავს.

გარდა ამისა, TotalEnergies-ს შეწყვეტს რუსეთში საინვესტიციო პროექტებს და ოპერაციებსაც ეტაპობრივად შეამცირებს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.