საქართველოში ერთ სულ მოსახლეზე ელექტროენერგიის მოხმარება 2009 წლიდან დღემდე ევროპასა და ცენტრალური აზიის რეგიონში ყველაზე სწრაფად იზრდება. მსოფლიო ბანკის კვლევის მიხედვით, 2000-დან 2009 წლამდე პერიოდში საქართველოში ელექტროენერგიაზე მოთხოვნა 1.9%-ით გაიზარდა, ხოლო 2010-დან 2014 წლამდე პერიოდში კი 8.5%-ით. ამ მაჩვენებლით საქართველო რეგიონის ყველა ქვეყანას უსწრებს. ელექტროენერგიაზე მოთხოვნის ზრდა რეგიონის სხვა ქვეყნებში შემდეგი იყო:
საქართველო – 2010-2014 წლები – ზრდა: 8.5%
ყირგიზეთის რესპუბლიკა – 7.7%
აზერბაიჯანი – 6.1%
ყაზახეთი – 4.6%
ალბანეთი – 4.6%
თურქეთი – 4.2%
სომხეთი – 3.4%
ბოსნია და ჰერცეგოვინა – 3.1%
თურქმენეთი – 2.6%
ბელარუსი – 2.2%
პოლონეთი – 2%
მსოფლიო ბანკი ელექტროენერგიაზე მოთხოვნის ზრდას კრიპტოვალუტების მაინინგს უკავშირებს. ბანკის კვლევის მიხედვით, საქართველოში შინამეურნეობების 5% ჩართულია კრიპტოვალუტების მოპოვებასა და ინვესტირებაში. WB აღნიშნავს, რომ მაინინგიდან მიღებლმა შემოსავალმა, შესაძლოა, დიდი კონტრიბუცია გააკეთოს ქვეყნის მშპ-ში, მიუხედავად იმისა რომ მსგავსი შემოსავალი, შესაძლოა არ იყოს ოფიციალურად რეგისტრირებული. ამასთან, ბანკი მიუთითებს, რომ კრიპტოვალუტებში ინვესტირება პირდაპირი უცხოური ინვესტიციების მოზიდვასაც უწყობს ხელს.
