სამთო სამუშაოების კომპანია გრენლანდიაში ელექტრომობილების წარმოებისთვის საჭირო ლითონებს მოიძიებს

სამთო სამუშაოების კომპანია გრენლანდიაში ელექტრომობილების წარმოებისთვის საჭირო ლითონებს მოიძიებს

ჯეფ ბეზოსისა და ბილ გეითსის მიერ მხარდაჭერილმა მინერალების მაძიებელმა კომპანია, KoBold Metals-მა და Bluejay Mining-მა ხელი მოაწერეს შეთანხმებას, რომლის მიხედვითაც, კომპანიები გრენლანდიაში ელექტრომობილების წარმოებისათვის საჭირო ლითონებს მოიძიებენ.

Bluejay-ის მიერ გაკეთებულ განცხადებაში ნათქვამია, რომ KoBold 15 მილიონ აშშ დოლარს გადაიხდის გრენლანდიის დასავლეთ სანაპიროზე სამუშაოების დასაფინანსებლად. სანაცვლოდ კი კომპანია პროექტის 51%-იან წილს მიიღებს. რაც შეეხება Blujay-ის, მისი წილი პროექტში 26% იქნება.

კომპანიებისათვის მინიჭებული ლიცენზიების თანახმად, ისინი ნიკელის, სპილენძის, კობალტისა და პლატინის მოპოვებას შეძლებენ.

KoBold-ი მინერალების მაძიებელი კომპანიაა, რომელსაც ზურგს ძალიან ბევრი მსხვილი ინვესტორი, კორპორაცია თუ ჰეჯფონდი უმაგრებს. მისი მფლობელი ორგანიზაცია Breakthrough Energy Ventures-ი, კლიმატისა და ტექნოლოგიების ფონდია, რომელსაც მხარს Microsoft-ი, Bloomberg-ის დამფუძნებელი მაიკლ ბლუმბერგი, Amazon-ის დამფუძნებელი ჯეფ ბეზოსი და მსოფლიოს უმსხვილესი ჰეჯფონდის, Bridgewater Associates-ის, დამფუძნებელი რეი დალიო უჭერენ. გარდა ამისა, კომპანიის კონტრიბუტორი ინვესტორები ნორვეგიული სახელმწიფო კონტროლის ქვეშ მყოფი კომპანია Equinor-ი და Andreessen Horowitz-ი არიან.

Bluejay-ის განცხადებით, კვლევებმა აჩვენა, რომ დასავლეთ გრენლანდიის ტერიტორიები გეოლოგიურად ძალიან მსგავსია რუსეთის ნორილსკის რეგიონისა, რომელიც ნიკელისა და პალადიუმის მთავარი მომპოვებელია.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.