რევოლუციონერი

ვივიენ იზაბელ სუაირი დერბიშირის საგრაფოს ერთ პატარა სოფელში, იმდენად ღარიბ ოჯახში იზრდებოდა, რომ სიღატაკისა და შიმშილისგან თავის დაღწევის ერთადერთ საშუალებად მისთვის გათხოვება რჩებოდა – სულ ერთია ვისზე, ოღონდ შორს ამ გამოუვალი მდგომარეობისგან... სამწლიანი თანაცხოვრების შემდეგ მას პირველი ქმრისგან ორი შვილი და გვარი – ვესტვუდი – დარჩა, რომელიც მთელი მსოფლიოსთვის მისი წყალობით გახდა ცნობილი.

ბრიტანული მოდის დიზაინის კაშკაშა ვარსკვლავის, მოდაში პანკ-სტილის დამმკვიდრებელი ვივიენ ვესტვუდის ყოველი ახალი კოლექცია იმდენად განსხვავებული და ეპატაჟური იყო, რომ მომენტალურად იქცევდა როგორც თაყვანისმცემლების, ისე მისი სტილის უარმყოფელთა მძაფრ ყურადღებას.

1970-იანი წლების ჰიპურ გარემოში აღმოცენებული ტანსაცმლის მაღაზია Let It Rock, შემდგომ Too Fast To Live Too Young To Die-დ და Sex-ად წოდებული, მართლაც რევოლუციური, ახალი სიტყვა იყო მოდის ისტორიაში, თუმცა 74 წლის დიზაინერი დღესაც ისეთივე ენერგიული, ექსტრაორდინარული და შოკის მომგვრელია, როგორც იმ შორეულ წლებში. ამ ჟღალთმიანი ბუნტისთავის პროფესიული კარიერის მიღმა არანაკლებ საინტერესოა მისი მოქალაქეობრივი აქტივობაც: მთელი ცხოვრების მანძილზე ლეიბორისტული პარტიის მხარდამჭერმა პოლიტიკური ორიენტაცია შეიცვალა, კონსერვატორთა პარტიას შეუერთდა და შოტლანდიის დამოუკიდებლობას დაუჭირა მხარი. სამოქალაქო აქტივობის გამოძახილია მისი კოლექცია – მაისურები წარწერით „არ დამიჭიროთ, მე ტერორისტი არ ვარ”, ბირთვული იარაღის წინააღმდეგ გამართულ აქციებში მონაწილეობა, და სულ ახლახან, 14 სექტემბერს, დიდი ბრიტანეთის პრემიერ-მინისტრის, დევიდ კემერონის ქალაქგარეთ მდებარე სახლთან დაუღალავი ვივიენის მიერ მოწყობილი აქცია ფიქლის გაზის მოპოვების წინააღმდეგ.

წინა სტატია

Rovio Entertainment–ის აღმასრულებელი დირექტორი შეიცვალა
10 დეკემბერი, 2015

შემდეგი სტატია

ციფრული ეკონომიკა: კრიზისიდან გამოსვლის ინოვაციური გზა
11 დეკემბერი, 2015
რომელ ბანკებს აქვთ ყველაზე მეტი “უმოქმედო სესხი”
ახალი ამბები ქართულად | ნოე, 19, 2018
ნავთობის მსოფლიო ფასი 27 პროცენტით შემცირდა
მსოფლიო | ნოე, 14, 2018
10 ქვეყანა, რომლის მოქალაქეებიც საქართველოში ვიზიტისას ყველაზე მეტ ფულს ხარჯავენ
ახალი ამბები ქართულად | დეკ, 05, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა