საგადახდო ბარათების სტატისტიკა საქართველოში

II კვარტლის მდგომარეობით საქართველოში კომერციული ბანკების მიერ გამოშვებული საგადახდო ბარათების რაოდენობამ 9.3 მილიონი შეადგინა. წინა კვარტალთან შედარებით გამოშვებული ბარათების რაოდენობა 1%-ით გაიზარდა, ხოლო წინა წლის ანალოგიურ პერიოდთან შედარებით, 11%-ით.  გამოშვებულ ბარათებში საკრედიტო ბარათების წილი 7%-ია.

გამოშვებული ბარათებიდან 44% MasterCard-ს უკავია, შემდგომ მოდის VISA 31%-ით და Local 18%-ით, UPI-ის წილი საბარათე სისტემებში 6%-ია, ხოლო AmEx-ის 1%.

ეროვნული ბანკის მონაცემებით, 2017 წლის II კვარტალში ქართული საგადახდო ბარათებით საქართველოში და მის ფარგლებს გარეთ სულ შესრულდა 44.2 მლნ ოპერაცია, რაც თანხობრივად 4.6 მილიარდი ლარია. აქედან ოპერაციების რაოდენობის 96% და თანხის 93% შესრულდა ქვეყნის შიგნით, ხოლო შესაბამისად 4% და 7% ქვეყნის გარეთ.

სავაჭრო/მომსახურების ობიექტებში გადახდის ოპერაციების რაოდენობის წილმა სულ შესრულებულ ტრანზაქციებში შეადგინა 65%, ხოლო თანხის წილმა 22%.

სულ ქართული საგადახდო ბარათებით შესრულებული ტრანზაქციები გაიზარდა 17%-ით რაოდენობრივად და 14%-ით თანხობრივად, წინა I კვარტლის შესაბამის მაჩვენებლებთან შედარებით. 2016 წლის II კვარტალთან შედარებით ქართული საგადახდო ბარათებით განხორციელებული ტრანზაქციები გაიზარდა 30%-ით რაოდენობრივად და 21%-ით თანხობრივად. მათგან სავაჭრო/მომსახურების ობიექტებში გადახდის ოპერაციების რაოდენობა გაიზარდა 47% და თანხა 44%-ით. ნაღდი ფულის გატანის ოპერაციების რაოდენობა გაიზარდა 7%-ით და თანხა 16%-ით.

2017 წლის II კვარტალში საქართველოში გამოშვებული ბარათებით ქვეყნის შიგნით სავაჭრო/მომსახურების ობიექტებში არსებული პოს–ტერმინალებით (ვირტუალური ტერმინალების ჩათვლით) განხორციელდა 27.1 მლნ ოპერაცია, თანხობრივად 747 მილიონი ლარი. შესრულებული ოპერაციების რაოდენობის აღნიშნული მაჩვენებელი 19%-ით, ხოლო თანხის 10%-ით მეტია წინა (პირველი) კვარტლის შესაბამის მაჩვენებლებზე.

2017 წლის II კვარტალში ქართული ბარათებით ქვეყნის შიგნით განხორციელდა 15.3 მლნ ნაღდი ფულის გატანის ოპერაცია, რაც თანხობრივად 3.5 მილიარდი ლარია. აღნიშნული მაჩვენებელი 14%-ით მეტია წინა (პირველი) კვარტლის შესაბამის მაჩვენებლებზე როგორც რაოდენობრივად, ასევე თანხობრივად.

საგადახდო ბარათები Mastercard Visa

წინა სტატია

Most Popular Georgian Wines Abroad
06 სექტემბერი, 2017

შემდეგი სტატია

ინტერნეტის მომხმარებელთა რაოდენობა საქართველოში რეგიონების მიხედვით
07 სექტემბერი, 2017
უნივერსიტეტების რეიტინგი - 2019 წლის ერთიანი ეროვნული გამოცდების შედეგებით
რეიტინგი | ოქტ, 19, 2019
King David - როდესაც სახლს შემოსავალი მოაქვს
ახალი ამბები ქართულად | ოქტ, 17, 2019
რამდენიმეწლიანი ზარალის შემდეგ, "ენგურჰესმა" 2018 წელი 15.6 მილიონიანი მოგებით დაასრულა
ახალი ამბები ქართულად | ოქტ, 01, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა