“საქართველოს კაპიტალმა” და “ბაქსვუდის საერთაშორისო სკოლამ” პარტნიორობის შეთანხმება გააფორმეს

საინვესტიციო კომპანია “საქართველოს კაპიტალმა” საგანმანათლებლო სექტორში კიდევ ერთი პარტნიორობის შეთანხმება “ბაქსვუდის საერთაშორისო სკოლასთან” გააფორმა.

დღეს, “ბაქსვუდის საერთაშორისო სკოლა” ერთ-ერთი წამყვანი სასწავლო დაწესებულებაა საქართველოში. “ბაქსვუდის საერთაშორისო სკოლა” 2000 წელს დაარსდა გაეროს ასოციაციის საერთაშორისო სკოლის სახელით, ხოლო 2009 წლიდან წარმატებით იყენებს ინგლისში დაფუძნებულ “ბაქსვუდის საერთაშორისო სკოლის” ბრენდსა და ბრიტანულ სასკოლო მოდელს. 

ამჟამად სკოლას 700-მდე მოსწავლე ჰყავს. სკოლა წყნეთში, 5 ჰექტარზეა განთავსებული და ეკოლოგიურად სუფთა გარემოში, ტყის მასივის შუაგულში მდებარეობს. ტერიტორიაზე მოსწავლეებს საშუალება ეძლევათ დაეუფლონ სპორტის სხვადასხვა სახეობებს, როგორებიცაა: ფეხბურთი, რაგბი, კალათბურთი, ფრენბურთი, სპორტული ტანვარჯიში, ხელბურთი და ცხენოსნობა. “ბაქსვუდის საერთაშორისო სკოლა” ყოველ სემესტრში წარჩინებულ მოსწავლეებს დიდ ბრიტანეთში სპეციალურ სასწავლო პროგრამაზე გამგზავრების შესაძლებლობას აძლევს. 

“ბაქსვუდის საერთაშორისო სკოლა” და “საქართველოს კაპიტალი” არსებული სკოლის გაფართოებას და თბილისის მასშტაბით ერთი ახალი სკოლის მშენებლობას გეგმავენ. მშენებლობის დასრულების შემდეგ, ორი სკოლა ჯამში 2,200 მოსწავლის მიღებას შეძლებს.

ირაკლი გილაური, “საქართველოს კაპიტალის” სამეთვალყურეო საბჭოს თავმჯდომარე და გენერალური დირექტორი: 

“მოხარული ვარ გაცნობოთ, რომ “საქართველოს კაპიტალმა” განათლების სექტორში მორიგი პარტნიორული შეთანხმება “ბაქსვუდის საერთაშორისო სკოლასთან” გააფორმა. “საქართველოს კაპიტალი” აგრძელებს ქვეყნის წარმატებულ სკოლებთან თანამშრომლობას და მათ მხარდაჭერას გაფართოებასა და გაძლიერებაში.” 

სანდრო ვაშაკიძე, “ბაქსვუდის საერთაშორისო სკოლის” დირექტორი:

“მოხარულები ვართ რომ “ბაქსვუდის საერთაშორისო სკოლამ” და “საქართველოს კაპიტალმა” პარტნიორული შეთანხმება გააფორმეს. ამ შეთანხმების შედეგად ჩვენ შევძლებთ გავაუმჯობესოთ და გავაფართოვოთ როგორც სკოლის ინფრასტრუქტურა, ასევე, სასწავლო პროგრამა. ღრმად გვწამს, რომ “საქართველოს კაპიტალთან” თანამშრომლობა წარმატების მომტანი იქნება როგორც ბაქსვუდის სკოლისათვის, ასევე ზოგადად ქვეყნის საგანმანათლებლო სექტორის განვითარებისათვის”.

ჩვენ გირჩევთ

სახლი საზღვაო ქალაქში - ბათუმის უძრავი ქონების სექტორის კვლევა

მსუბუქი ავტმობილების ექსპორტიორი ტოპ-10 ქვეყანა

სახლი საზღვაო ქალაქში - ბათუმის უძრავი ქონების სექტორის კვლევა

სახლი საზღვაო ქალაქში - ბათუმის უძრავი ქონების სექტორის კვლევა

წინა სტატია

ინდივიდუალური მიდგომა ჯანმრთელობის დაზღვევის ბაზარზე
15 ივლისი, 2019

შემდეგი სტატია

საწვავის იმპორტის 30.7% რუსეთზე მოდის
15 ივლისი, 2019
საქართველოს ყველაზე მოგებიანი კომპანიების ასეული
რეიტინგი | აგვ, 29, 2019
2020 წელს დაგეგმილი დღგ-ის მნიშვნელოვანი ცვლილებების პირველადი ანალიზი
ეკონომიკა | აგვ, 26, 2019
100,000 ლარზე მაღალი წლიური ხელფასი საქართველოში მოსახლეობის მხოლოდ 0.21%-ს აქვს
ეკონომიკა | აგვ, 22, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა