საქართველოს კაპიტალმა წლის პირველ ნახევარში 672,3 მილიონი ლარის შემოსავალი მიიღო

საქართველოს კაპიტალმა წლის პირველ ნახევარში 672,3 მილიონი ლარის შემოსავალი მიიღო, რაც წინა წლის ანალოგიურ პერიოდზე 9.1%–ით მეტია.

ჯგუფის პორტფელი დღეს 1.9 მილიარდ ლარს აღწევს. აქედან ნახევარი ლონდონის საფონდო ბირჟაზე განთავსებულ კომპანიებზე (GHG; BOG) მოდის.

Georgia Capital საქართველოს ჯანდაცვის ჯგუფის 57%–ს ფლობს. ამ კომპანიის შემოსავალი წლის პირველ ნახევარში წინა წელთან შედარებით 12.7%–ით გაიზარდა და 472.9 მლნ ლარი შეადგინა.
„საქართველოს კაპიტალში“ შედის ასევე საქართველოს ბანკის ჯგუფის 19.9%–ს. 

ჯგუფი ფლობს წყლის კომუნალურ ბიზნესსაც (GWP, რუსთავისა და მცხეთის წყლები). მათი შემოსავალი წლის პირველ ნახევარში 6.7%–ით გაიზარდა და 74.5 მლნ ლარი შეადგინა.

რაც შეეხება ჯგუფის სამშენებლო ბიზნესს (მ2 უძრავი ქონება), – წლის პირველ ნახევარში კომპანიამ აპარტამენტების გაყიდვით 16.1 მილიონის შემოსავალი მიიღო, რაც წლიურად 68.3%–ით შემცირებული მაჩვებელია.

გაზრდილია ჯგუფის ღვინის ბიზნესის შემოსავლებიც. კერძოდ წლის პირველ ნახევარში ღვინის რეალიზებით მიღებული შემოსავალი 17.3 მლნ ლარამდე გაიზარდა. ლუდის ბიზნესის შემოსავალი კი 18.2 მლნ ლარი იყო. წლიური ზრდა 37.7%.
შეგახსენებთ, რომ საქართველოს კაპიტალი ჰოლდინგური ბიზნეს კომპანიაა, რომელიც BGEO ჯგუფის საბანკო და საინვესტიციო ბიზნესად გაყოფის შემდეგ შეიქმნა.

წინა სტატია

Bitfury-მ ხელოვნური ინტელექტის განყოფილება წარადგინა
16 აგვისტო, 2019

შემდეგი სტატია

იტალიიდან ფულადი გზავნილები 25 პროცენტით გაიზარდა
16 აგვისტო, 2019
უნივერსიტეტების რეიტინგი - 2019 წლის ერთიანი ეროვნული გამოცდების შედეგებით
რეიტინგი | ოქტ, 19, 2019
King David - როდესაც სახლს შემოსავალი მოაქვს
ახალი ამბები ქართულად | ოქტ, 17, 2019
საქართველოს აუდიტორული კომპანიების რეიტინგი
რეიტინგი | ოქტ, 20, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა