1992 წლის შემდეგ პირველად, ჩინეთის ეკონომიკური ზრდა უარყოფითია

1992 წლის შემდეგ პირველად, ჩინეთის ეკონომიკური ზრდა უარყოფითია

1992 წლის შემდეგ პირველად, ჩინეთის ეკონომიკური ზრდა უარყოფითია. დღეს გამოქვეყნებული ანგარიშის მიხედვით, რომელიც პირველი კვარტლის მშპ-ის მაჩვენებლებს ასახავს, წინა წლის ანალოგიურ პერიოდთან შედარებით, ქვეყნის ეკონომიკა 6.8%-ით შემცირდა.

ჩინეთის მიერ გამოქვეყნებული სტატისტიკის მიხედვით, იანვარ-თებერვალში რითეილის სექტორში შემცირება 20.5%, ხოლო მარტში კი 15.8% იყო. ექსპორტის ვარდნამ წლის პირველ კვარტალში 13/3%, ხოლო იმპორტის შემცირებამ კი 2.9% შეადგინა. სავარაუდოდ, მომდევნო თვეების განმავლობაში შემცირებას კვლავ ზრდა შეცვლის, რადგანაც ქვეყნის საწარმოები ეტაპობრივად კრიზისამდელი პერიოდის სიმძლავრეების აღდგენაზე მუშაობენ.

IMF-ის მიერ გამოქვეყნებული განახლებული შეფასების მიხედვით, 2020 წლის მეორე-მეოთხე კვარტლებში ქვეყნის ეკონომიკის ზრდის მაჩვენებელი დადებითი იქნება, ჯამურად კი 2020 წლისთვის ჩინეთში 1.2%-იანი ზრდა არის ნავარაუდევი. ეს ბოლო ათწლეულების მინიმალური მაჩვენებელი იქნება. სავალუტო ფონდი 2021 წელს ქვეყანაში ვითარების გაუმჯობესებას და 9%-იან ზრდას პროგნოზირებს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.