2020 წლის “შავი პარასკევის” ონლაინ გაყიდვებმა რეკორდულ ნიშნულს მიაღწია

2020 წლის “შავი პარასკევის” ონლაინ გაყიდვებმა რეკორდულ ნიშნულს მიაღწია

ეპიდვითარებიდან გამომდინარე, წელს, მოსახლეობამ ვაჭრობის ყველაზე უსაფრთხო გზას მიმართა და ონლაინ გადაინაცვლა. Adobe Analytics-ის კვლევის მიხედვით, წლევანდელ “შავ პარასკევს” ონლაინ გაყიდვები 22%-ით გაიზარდა და რეკორდულ ნიშნულსაც მიაღწია. 

Adobe-ის მიხედვით, რომელიც აშშ-ის ტოპ 100 სავაჭრო კომპანიიდან 80 კომპანიის ტრანზაქციებს ითვლის, ხუთშაბათის დღესასწაულის შემდეგ, მომხმარებლებმა ონლაინ $9 მილიარდი დახარჯეს, რაც გასულ წელთან შედარებით 21.6%-ით მეტია. 

ამგვარად, წლევანდელმა “შავმა პარასკევმა” ეს დღესასწაული აშშ-ის ისტორიაში მეორე ყველაზე შემოსავლიან სავაჭრო დღედ აქცია, გასული წლის “კიბერორშაბათის” შემდეგ, რომელიც “შავ პარასკევს” მოჰყვება ხოლმე. როგორც მოსალოდნელია, წლევანდელი “კიბერორშაბათის” შემოსავალი $10.8-დან $12.7 მილიარდამდე იქნება. 

საინტერესოა ისიც, რომ “შავ პარასკევს”, მომხმარებლები წუთში $6.3 მილიონს ხარჯავდნენ, თითოეული დაახლოებით $27.50-ს. ასევე, ტენდენციების მიხედვით გამოიკვეთა, რომ სმარტფონების გაყიდვები 25.3%-ით გაიზარდა და $3.6 მილიარდს გაუტოლდა. ამასთან, სმარტფონების გაყიდვებმა მთლიანი გაყიდვების 40% შეადგინა.

გარდა ამისა, უფრო მეტი ადამიანი წელს საკვები პროდუქტების შესასყიდადაც ონლაინ პლატფორმას იყენებს. “შავ პარასკევს” საკვები პროდუქტების ონლაინ გაყიდვები ოქტომბრის რიგითი დღეების მონაცემებთან შედარებით, 397%-ით გაიზარდა. 

“შავი პარასკევის” წლევანდელ ტოპ გაყიდვად პროდუქციაში შედის: ლეგოს ნაკრები, Apple AirPods, Apple Watches, Amazon Echo მოწყობილობები და Samsung-ის ტელევიზორები. 

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.