თბილისში, ორთაჭალაში მდებარე Archi Horizon-ის ენერგოეფექტიანობის მაჩვენებლები საერთაშორისო საკონსულტაციო კომპანია ENVIROS-მა დამოუკიდებლად შეაფასა, რაც მოიცავს პროექტის სამ საცხოვრებელ A, B და C ბლოკს.
ENVIROS-ის დასკვნა კიდევ ერთხელ უსვამს ხაზს Archi Horizon-ის ენერგოეფექტიანობას, მდგრადობასა და დაბალხარჯიან საცხოვრებელ კონცეფციას. დამოუკიდებელი საერთაშორისო აუდიტორის შეფასება წარმოადგენს სანდო, მტკიცებულებებზე დაფუძნებულ მასალას.
ENVIROS ენერგოეფექტიანობისა და მდგრადობის მიმართულებით სპეციალიზებული წამყვანი საკონსულტაციო კომპანიაა, რომელსაც 30 წელზე მეტი გამოცდილება აქვს. ის საერთაშორისო Société Générale Financial Group-ის ნაწილია. კომპანია, როგორც ევროკავშირის კანონმდებლობის შესაბამისად სერტიფიცირებული ენერგოაუდიტორი, საქართველოში მოქმედი რეგულაციების შესაბამისად ოპერირებს.
„მოხარული ვარ, რომ მოგვეცა შესაძლებლობა, ხელი მოგვეწერა თანამშრომლობის მემორანდუმზე საქართველოს ბაზარზე წამყვან დეველოპერ „არქისთან“. სულ ახლახან მოვამზადეთ „არქი ჰორაიზონის“ შეფასება, რომელიც ადასტურებს, რომ პროექტს ენერგოეფექტიანობის მაღალი მაჩვენებლები აქვს და, ამავდროულად, შეესაბამება ენერგოეფექტიანობის მიმართულებით არსებულ ევროპულ მოთხოვნებს“, – აღნიშნა იან ჰანუშმა, ENVIROS-ის აღმასრულებელმა დირექტორმა.
Archi Horizon-ის აპარტამენტები თბილისში მაცხოვრებლებისა და მოიჯარეებისთვის პრაქტიკულ სარგებელსაც ქმნის: შენობის გარსი ამცირებს სითბოს დანაკარგს ზამთარში და ხელს უწყობს უკეთეს თბოკონტროლს ზაფხულში, რაც გათბობისა და გაგრილების ხარჯების შემცირებას განაპირობებს.
აღსანიშნავია, რომ Archi-მ და ENVIROS-მა თანამშრომლობის მემორანდუმი გააფორმეს, რომლის მიზანიც Archi-ს პროექტების ენერგოეფექტიანობისა და მდგრადობის მაჩვენებლების გაუმჯობესება იქნება. თანამშრომლობა შეეხება არა მხოლოდ პროექტირების ეტაპს, არამედ შენობების ექსპლუატაციის პერიოდსაც.
„Archi-სთვის, როგორც საქართველოში #1 დეველოპერისთვის, ESG სტანდარტებთან შესაბამისობა, ენერგოეფექტიანობა და მდგრადობა გრძელვადიანი განვითარების მნიშვნელოვანი მიმართულებებია. Société Générale Financial Group-ის წევრ ENVIROS-თან თანამშრომლობა კი კომპანიას მისცემს შესაძლებლობას, პროექტებში ენერგოეფექტიანი გადაწყვეტილებები კიდევ უფრო სისტემურად დანერგოს და მაცხოვრებლებს შესთავაზოს უფრო კომფორტული, მდგრადი და ეკონომიურად ეფექტიანი საცხოვრებელი გარემო“, – განმარტავს Archi-ს გენერალური დირექტორი შიო ხეცურიანი.
S
