„ალფა სახლი“ - ბრენდის გზა მომხმარებლებიდან ადამიანებამდე

„ალფა სახლი“ - ბრენდის გზა მომხმარებლებიდან ადამიანებამდე

„ალფა სახლის“, როგორც ბრენდის განვითარების ისტორიას კომპანიის  ბიზნეს განვითარების კონსულტანტი „ლემონს ჯგუფის“  დამფუძნებელი და ბიზნეს განვითარების კონსულტანტი ირინე მელიმონაძე გვიამბობს.

ხარისხი, კომფორტი, მომხმარებელზე ზრუნვა და ინდივიდუალური მიდგომა, მწვანე და ჯანსაღი გარემო, გამორჩეული და დახვეწილი დიზაინი, უსაფრთხოების მაღალი სტანდარტები, პასუხისმგებლობა – ეს სულ მცირე ჩამონათვალია, რაც სამშენებლო კომპანია „ალფა სახლის“ გაგებისას გახსენდებათ.

დიახ, „ალფა სახლი“ ქმნის ადამიანების გემოვნებასა და მოთხოვნებზე ორიენტირებულ პროექტებს, მისი პროდუქტის შეძენა კი, ახალი ცხოვრების სტილს ნიშნავს.

კომპანიას განვითარებისა და წარმატებისკენ სვლის რთული და ხანგრძლივი ისტორია გააჩნია. „ალფა სახლი“ (მანამდე როგორც „ალფა რეზიდენსი“), ბაზარზე 2004 წლიდან პოზიციონირებს და არაერთი მნიშვნელოვანი სამშენებლო პროექტის ავტორია. „ალფა სახლის“, როგორც ბრენდის მეორე სიცოცხლე კი, რომელიც დეველოპმენტსა და გაყიდვებზეა ორიენტირებული, 2018 წლიდან იწყება.

მიუხედავად კოვიდპანდემიისა და არსებული მაღალი კონკურენციისა, არსებობის ამ სამი წლის განმავლობაში, პროფესიონალ და მაღალკვალიფიციურ გუნდთან ერთად, „ალფა სახლმა“ მოახერხა ბაზარზე ღირსეული ადგილის დამკვიდრება და გაყიდვების მიმართულებით ერთ-ერთ ლიდერად ჩამოყალიბება, ამასთანვე შეინარჩუნა მომსახურების მაღალი ხარისხი და სტანდარტი.

რა გამოარჩევს „ალფა სახლს“ კონკურენტი კომპანიებისგან?

მომხმარებლებისადმი ინდივიდუალური მიდგომა ის სტანდარტია, რითაც „ალფა სახლი“ ყველასგან განსხვავდება.

„ალფა სახლისთვის“ თითოეული მომხმარებელი განსაკუთრებული და უნიკალურია, ამიტომ მათზე ზრუნვა და მათი ინდივიდუალური მოთხოვნების დაკმაყოფილება „ალფა სახლისთვის“ უმნიშვნელოვანესი მისიაა. კონკრეტული მომხმარებლის ინტერესზე ორიენტირებული მომსახურების განხორციელებაში ჩართულია „ალფა სახლის“ გუნდის ყველა წევრი – ჩვენ ვქმნით პროდუქტს, რომელიც მორგებულია თითოეულ მომხმარებელზე პერსონალურად.

„ალფა სახლი“ მომხმარებლებს გაყიდვების შემდგომაც არ ტოვებს და მათზე ზრუნვას განაგრძობს… ჩვენ მობინადრეებს ვეხმარებით შესახლების პროცესშიც და მას მომხმარებელთათვის უმტკივნეულოს, სწრაფს და ჰარმონიულს ვხდით.

უნდა აღინიშნოს, რომ  დასაწყისისთვის მომხმარებლებთან კომუნიკაციისას, რა თქმა უნდა, გარკვეული ხარვეზები იყო, თუმცა „ალფა სახლმა“, როგორც პასუხისმგებლიანმა და მომხმარებელზე ორიენტირებულმა კომპანიამ, მომხმარებლებთან ურთიერთობის ცალკე განყოფილება შექმნა, რითაც კომუნიკაცია მაღალ დონეზე აიყვანა და არსებული ხარვეზების აღმოფხვრაზე განსაკუთრებულად იმუშავა.

სწორედ იმიტომ, რომ მომხმარებლის კმაყოფილება და კომფორტი „ალფა სახლისთვის“ უმნიშვნელოვანესი კომპონენტია, კომპანიამ სპეციალურად შექმნა ცხელი ხაზი, რომლის საშუალებითაც მომხმარებლებსა და მობინადრეებს თავიანთი აზრის, პრეტენზიის, შენიშვნებისა თუ სურვილების გახმოვანება შეუძლიათ. მომხმარებელთა ნებისმიერ გამოხმაურებას „ალფა სახლის“ გუნდი პასუხისმგებლობით ეკიდება და ცდილობს, მაქსიმალურად სწრაფად მოახდინოს რეაგირება და პრობლემის არსებობის შემთხვევაში, ეფექტიანად მოაგვაროს ის.

გარდა ზემოთ აღნიშნულისა, სხვა სამშენებლო კომპანიებისგან „ალფა სახლის“ პროექტები გამოირჩევა იმითაც, რომ ისინი რეკრეაციულ ზონასთან მდებარეობს, ან თვითონ ეს პროექტები მოიცავს თავის თავში რეკრეაციულ სივრცეს.

„ალფა სახლი“, 3 წლის მანძილზე რამდენიმე წარმატებულ პროექტს  ფლობს:  ნუცუბიძეზე, ისანში, წერეთელზე, ბაგებში, მარიჯანსა და კიკვიძეზე. მშენებლობა კოვიდპანდემიის პირობებშიც არ შეჩერებულა, მხოლოდ რამდენიმე თვით მოგვიწია  პროექტების დასრულების ვადის გადავადება შეზღუდვებიდან გამომდინარე თანამშრომელთა ონლაინ სამუშაოზე გადასვლის აუცილებლობის გამო. ამგვარად, მიუხედავად გამოწვევებისა, კომპანია მომხმარებლების წინაშე აღებულ ვალდებულებებს პასუხისმგებლობით ახორციელებს და მათ მოლოდინებს მაქსიმალურად ამართლებს.

ხანმოკლე ისტორიაში ჩატეული მიღწევები

„ალფა სახლი“ არ წყვეტს განვითარებას, სიახლის ძიებას, საკუთარ თავს ახალ გამოწვევებს უყენებს და მომხმარებლებსაც ნოვატორულ შეთავაზებას უკეთებს: „ალფა სახლი“, როგორც ბრენდი, არსებობის 3 წლის შემდეგ, მომხმარებელს ეკონომ კლასის მშენებლობის ნაცვლად, პრემიუმ კლასის პროექტებს სთავაზობს. ახალი გამოწვევების შესაბამისად „ალფა სახლის“ მაღალკვალიფიციური და პროფესიონალებით დაკომპლექტებული გუნდი მომხმარებლებს მომსახურების, მშენებლობისა და ხარისხის მაღალ სტანდარტებს სთავაზობს.

რაც შეეხება „ალფა სახლის“ სამომავლო გეგმებს, კომპანიას აქვს საკმაოდ დიდი პროექტები, რომლებიც დამუშავების რეჟიმშია, მათ შორისაა პროექტები დიდ დიღომსა და გლდანში.

ამრიგად, „ალფა სახლისთვის“, როგორც ბრენდისთვის, საკმარისი არ არის მხოლოდ კომპანიის სახელი და ლოგო, მხოლოდ ვიზუალური მხარე, არამედ მისთვის უმთავრესია, მომხმარებლები და მათი მოთხოვნები, რადგან „ალფა სახლი“ ყიდის ემოციას და არა კვადრატულ მეტრებს…

„ალფა სახლის“ მიმდინარე და სამომავლო პროექტებზე დამატებითი, დეტალური ინფორმაციის გაგება „ალფა სახლის“ ვებგვერდიდან და ფეისბუქგვერდიდან არის შესაძლებელი.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.