Forbes ყველაზე მსხვილი ამერიკელი ქველმოქმედი ბიზნესმენების სიას აქვეყნებს. გამოცემამ ბიზნესმენების მიერ 2016 წელს ქველმოქმედებაზე გაცემული თანხები დათვალა. სიის სათავეში უორენ ბაფეტია. მან ერთ წელში ქველმოქმედებაზე $2.8 მილიარდი დახარჯა. მეორე ადგილზე ბილ და მელინდა გეითსები არიან. გეითსმა ცხოვრების მანძილზე საკუთარი კომპანიის Microsoft ღირებულების 5% ქველმოქმედებას მოახმარა. 2016 წელს კი ქველმოქმედმა წყვილმა $2.1 მილიარდი გასცა.
მესამე ადგილზეა მაიკლ ბლუმბერგი. ბიზნესმენმა და პოლიტიკოსმა ერთ წელში ქველმოქმედებაზე $600 მილიონი დახარჯა.
მეოთხე პოზიციას ჯორჯ სოროსი იკავებს. მან წლიურად ქველმოქმედებაზე $531 მილიონი დახარჯა.
ხუთეულს მილიარდერი ჩაკ ფინი ასრულებს. მან ერთ წელში ქველმოქმედებაზე 482 მილიონი დოლარი დახარჯა, ხოლო ჯამში კი ცხოვრების განმავლობაში ქველმოქმედებაზე 6 მილიარდ დოლარზე მეტი აქვს დახარჯული.
მეექვსე ადგილზე უოლტონების ოჯახია. მათ წლიურად 454 მილიონი დოლარი დახარჯეს ქველმოქმედებაზე. მეშვიდე ადგილს პოლ ალენი იკავებს, Microsoft-ის თანადამფუძნებელმა ერთ წელში ქველმოქმედებაზე 341 მილიონი დოლარი დახარჯა. მერვე ადგილს იკავებენ ჯეიმს და მერილინ სიმონსები $293 მილიონით. მეცხრე ადგილზე გორდონ და ბეტი მურები არიან. მათ წლებია საქველმოქმედო ფონდი აქვთ დაარსებული და ერთ წელში ქველმოქმედებაზე $289 მლნ დახარჯეს.
ათეულს ასრულებენ ჯონ და ლაურა არნოლდები. მათმა ფონდმა ერთ წელში ქველმოქმედებისთვის $277 მლნ დახარჯეს.
დატოვე კომენტარი
