Forbes-ში მსოფლიოს უმსხვილესი კრიპტოვალუტის ბირჟა Binance-ი $200-მილიონიან ინვესტიციას ჩადებს

Forbes-ში მსოფლიოს უმსხვილესი კრიპტოვალუტის ბირჟა Binance-ი $200-მილიონიან ინვესტიციას ჩადებს

მსოფლიოს უმსხვილესი კრიპტოვალუტის ბირჟა Binance-ი ამერიკულ მედიაჰოლდინგ Forbes-ში $200მილიონიან ინვესტიციას განახორციელებს. ამის შესახებ კომპანიამ ინფორმაცია დღეს გაავრცელა.

თავად Forbes-ი ე.წ. SPAC-ის გზით ნიუ-იორკის საფონდო ბირჟაზე გასვლას გეგმავს. გასული წლის ზაფხულში ცნობილი გახდა, რომ კომპანია საფონდო ბირჟაზე $400 მილიონი დოლარის ღირებულების აქციებს გაიტანდა. თუმცა, დღეს გამოქვეყნებული ინფორმაციიდან ირკვევა, რომ ამ $400 მილიონიდან Binance-ი $200 მილიონის ღირებულების წილს შეიძენს.

საფონდო ბირჟაზე გასვლა 2022 წლის პირველ კვარტალში არის დაგეგმილი. ბირჟაზე კომპანიის აქციები FRBS-ის სტიკერით ივაჭრება.

გარიგების შედეგად, Binance-ის კომუნიკაციების დირექტორი პატრიკ ჰილმანი, ასევე ვენჩურული ინვესტიციების დეპარტამენტის უფროსი ბილ ჩინი Forbes-ის დირექტორთა საბჭოს წევრები გახდებიან.

Binance-მა დღესვე მედიასთან კიდევ ერთხელ განაცხადა, რომ Forbes-ის სარედაქციო პოლიტიკის დამოუკიდებლობა გარანტირებული იქნება.

მხარეებს შორის ნასყიდობის გარიგება მარტში დაიხურება.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.