ყველამ იცის, რომ დიდი განსხვავებაა მდიდრებსა და ღარიბებს შორის, მაგრამ ასევე დიდი განსხვავებაა მდიდრებსა და მდიდრებს შორის. ამის შესანიშნავი მაგალითი დონალდ ტრამპი და მისი კონკურენტი მაიკლ ბლუმბერგია.
დონალდ ტრამპის ქონება 3.1 მილიარდი დოლარია, ხოლო ბლუმბერგის 53 მილიარდი დოლარი.
ბლუმბერგი ფორბსის ყველაზე მდიდარი ადამიანების ჩამონათვალში პირველად 1991 წელს გამოჩნდა, როცა მისმა ქონებამ 350 მილიონი აშშ დოლარი შეადგინა, მაშინ როცა ტრამპი საკუთარი იმპერიის გადასარჩენად იბრძვოდა.
ტრამპმა ფორბსის ყველაზე მდიდარი ადამინაების სიაში დაბრუნება 1996 წელს მოახერხა, მისი ქონების ღირებულებამ 450 მილიონი აშშ დოლარი შეადგინა. მოცემული მომენტისთვის, ბლუმბერგი დაახლოებით 1 მილიარდი დოლარის ღირებულების ქონებას ფლობდა.
ტრამპის ქონება რეკორდულად 1996-1997 წლებში გაიზარდა, 450 მილიონი დოლარიდან 1.4 მილიარდ დოლარამდე.
მიუხედავად ტრამპის ქონების მნიშვნელოვანი ზრდისა, ბლუმბერგი ყოველწლიურად უფრო მეტ შემოსავლებს იღებს საკუთარი ბიზნესიდან, ასე რომ ბლუმბერგი ტრამპზე 17-ჯერ მდიდარია.
წყარო: Forbes
