ჩინეთის მიერ დაწესებული ახალი რეგულაცია, სავარაუდოდ, TikTok-ის გაყიდვას გაართულებს

ჩინეთის მიერ დაწესებული ახალი რეგულაცია, სავარაუდოდ, TikTok-ის გაყიდვას გაართულებს

ჩინეთის მთავრობამ დააწესა ახალი რეგულაცია, რომელიც, სავარაუდოდ, TikTok-ის გაყიდვას გაართულებს. საქმე იმაშია, რომ მისი შეძენით უკვე დაინტერესებულია Microsoft-ი. ამის შესახებ ინფორმაციას CNN-ი ავრცელებს.

ჩინეთის ხელისუფლებამ იმ წესებს გადახედა, რომელიც  უცხოური კომპანიებისთვის ტექნოლოგიური კომპანიების მიყიდვას არეგულირებს. აღსანიშნავია, რომ აღნიშნული რეგულაციები ჩინეთის მთავრობას 2008 წლის შემდეგ არ განუახლებია.

როგორც ჩინეთის კომერციის, მეცნიერების და ტექნოლოგიების სამინისტრო აცხადებს, ცვლილებები მიზნად ისახავს „ტექნოლოგიის ექსპორტის მენეჯმენტის ფორმალიზებას” და ”ეროვნული უსაფრთხოების დაცვას”.

შეგახსენებთ, რომ მსოფლიოში პოპულარული ვიდეო აპლიკაცია TikTok-ის შეძენით, Microsoft-თან ერთად, Walmart-იც დინტერესდა. TikTok-ს აშშ-ში, დაახლოებით, 100 მილიონი მომხმარებელი ჰყავს. აპლიკაციის სავარაუდო გასაყიდი ფასი 40-50 მილიარდი აშშ დოლარია.

bm.ge

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *