ჩრდილოეთ ამერიკაში წარმოების გაფართოებისთვის Volkswagen-ი $7.1 მილიარდს გამოყოფს

ჩრდილოეთ ამერიკაში წარმოების გაფართოებისთვის Volkswagen-ი $7.1 მილიარდს გამოყოფს

ჩრდილოეთ ამერიკაში ელექტრომანქანების წარმოების გასაფართოებლად, მომავალი ხუთი წლის განმავლობაში, Volkswagen-ი რეგიონში $7.1-მილიარდიან ინვესტიციას განახორციელებს. როგორც ჩანს, ეს თანხა მოხმარდება, როგორც პროდუქტების პორტფელისა და წარმოების გაფართოებას, ასევე კვლევებსა და განვითარებას – ამგვარი ინვესტიციით, კომპანიის მესვეურებს უნდათ, რომ 2030 წლისთვის, ელექტრომანქანების გაყიდვებმა ამერიკული ბაზრის 55% მოიცვას.

მანქანების წარმოებისა და კვლევის სფეროების გარდა, Volkswagen-ი დიდ ყურადღებას ელექტრობატერეების წარმოებასაც აქცევს – ამ მიმართულებით, ჩრდილოამერიკულ მომწოდებელ კომპანიებში მან $2.7 მილიარდზე მეტი მოცულობის ინვესტიცია დააბანდა. ამასთანავე, ახლო მომავალში, ტენესის შტატის ქალაქ ჩატანუგაში, კომპანია ელექტრობატარეების საინჟინრო ლაბორატორიისა და დამატებითი ქარხნის გახსნას გეგმავს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.