5 აპრილს ერევანში გაიმართება პირველი Doing Digital – Exploring Digital Future ფორუმი. ფორუმის დამფუძნებელი და ორგანიზატორია SPRING PR Company, ხოლო თანაორგანიზატორი – Ameriabank. Doing Digital ფორუმი მიზნად ისახავს შეისწავლოს ციფრული ტრანსფორმაციების უახლესი ტენდენციები და საუკეთესო გამოცდილება და სომხეთი აქციოს წამყვან ციფრულ ჰაბად, რაც გააძლიერებს ქვეყნის კონკურენტუნარიანობას. ღონისძიების ინოვაციური პარტნიორია Visa, საინვესტიციო პარტნიორია – Apricot Capital.
ღონისძიებაზე მთავარი სპიკერი გახლავთ კრის სკინერი (Chris Skinner), ფინანსური ტექნოლოგიებისა და ციფრული ტრანსფორმაციის სფეროს მსოფლიოში ცნობილი ექსპერტი. კრისი არის ფინანსური მომსახურების საკონსულტაციო ფირმის Finanser Ltd.-ის დამფუძნებელი და ფინანსური ტექნოლოგიებისა და საბანკო საქმის თემებზე რამდენიმე წიგნის ავტორი, მათ შორის: „ციფრული ადამიანი“ (Digital Human), „ციფრული ბანკი“ (Digital Bank), „საბანკო სფეროს მომავალი“ (The Future of Banking) და „ფასეულობის ვები“ (ValueWeb).
კრის სკინერი ხშირად გამოდის, როგორც მთავარი სპიკერი დარგობრივ კონფერენციებსა და ღონისძიებებზე, სადაც ის მსმენელებს უზიარებს თავის ხედვებს ფინანსური ტექნოლოგიების უახლეს ტენდენციებსა და ციფრული ტრანსფორმაციის მომავალზე. Doing Digital ფორუმი იძლევა უნიკალურ შესაძლებლობას უმასპინძლოს კრისს სომხეთში.
ფორუმში მონაწილეობას მიიღებენ სახელმწიფო მოხელეები და სხვადასხვა დარგის, მათ შორის საფინანსო, საბანკო, ტელეკომუნიკაციებისა და ტექნოლოგიების სფეროს სპეციალისტები.
სომხური და საერთაშორისო ორგანიზაციებიდან, როგორებიცაა სინგაპურის სოციალურ მეცნიერებათა უნივერსიტეტი, Forbes, Visa, Apricot Capital, Revytech, Hexens, Beta Financial Technologies, ICDT Global. ასევე, სომხეთის მთავრობა, SPRING PR Company და Ameriabank 15-ზე მეტი საუკეთესო მომხსენებელი, მსმენელებს გაუზიარებს თავის შეხედულებებს ციფრული ბიზნესისა და ტექნოლოგიების შესახებ ძირითადი გამოსვლების, პანელური დისკუსიებისა და ვიზუალური გამოსვლების მეშვეობით.
დაგეგმილი ღონისძიება ყურადღებას გაამახვილებს იმაზე, თუ როგორ უწყობს ხელს ციფრული ტრანსფორმაცია ბიზნესის ზრდასა და ინოვაციებს. მონაწილეები გამოიკვლევენ სტრატეგიებს ახალი ტექნოლოგიების დანერგვისა და კონკურენტული უპირატესობის მოსაპოვებლად და მონაცემთა დაცვისა და კიბერუსაფრთხოების რისკების მართვის საუკეთესო პრაქტიკის მისაღებად. ფორუმის ღვაწლმოსილი მომხსენებლები და მონაწილენი ასევე განიხილავენ კრიპტოვალუტების, Metaverse-ისა და NFT-ების უახლეს ტენდენციებს, გაგვიზიარებენ საკუთარ ხედვებს მათ პოტენციურ სარგებელსა და მათთან დაკავშირებულ რისკებთან დაკავშირებით.
ღონისძიებაზე დასწრება არის თავისუფალი ნებისმიერი მსურველისთვის, ვინც დაინტერესებულია ციფრული ტრანსფორმაციით. მათ შორის, ფორუმზე ველით ბიზნეს ლიდერებს, IT პროფესიონალებს, მეწარმეებს, სტარტაპებს, ინვესტორებს, მთავრობის წარმომადგენლებს, PR-ის, მარკეტინგისა და გაყიდვების განყოფილებების ხელმძღვანელ პირებს. S
***
SPRING PR არის არაერთი PR ჯილდოს მფლობელი და კვლევითი კომპანია, რომელიც დაარსდა 2009 წელს და სპეციალიზდება სტრატეგიულ კომუნიკაციებში, რეპუტაციის მენეჯმენტში, ღონისძიებების ორგანიზებასა და კვლევებში. კომპანია თანამშრომლობს მთელ რიგ ადგილობრივ და საერთაშორისო მსხვილ, საშუალო და მცირე საწარმოებთან, სახელმწიფო დაწესებულებებთან, არასამთავრობო და საქველმოქმედო ორგანიზაციებთან.
SPRING PR არის გლობალური PR საზოგადოების ნაწილი, პროფესიონალური ჩართულობით ისეთ ავტორიტეტულ საერთაშორისო ორგანიზაციებში, როგორებიცაა საზოგადოებასთან ურთიერთობის საერთაშორისო ასოციაცია (IPRA) და საზოგადოებასთან ურთიერთობის ჩარტერული ინსტიტუტი (CIPR).
წლების განმავლობაში, SPRING PR და მისი გუნდი იღებდნენ უმაღლეს ჯილდოებსა და აღიარებას, მათ შორის C4F Davos ჯილდოებს (Communication for Future Davos ჯილდოებს), IPRA Golden World ჯილდოებს და Eventiada IPRA Golden World ჯილდოებს. 2021 წელს, პირველად სომხური PR კომპანიების ისტორიაში, SPRING PR გამოცხადდა „IPRA Golden World – 2021“ ჯილდოების გამარჯვებულთა შორის, რომელიც მიჩნეულია დარგის ოსკარად. SPRING PR-ის თანადამფუძნებლები ნვარდ მელქონიანი და ტატევიკ სიმონიანი დასახელდნენ “წლის გლობალური PR-ის ლიდერებად” Exchange4media PR & Corp Comm Women Achievers Summit-ზე და ჯილდოებზე 2022 და მოხვდნენ 2022 წლის მსოფლიოში ყველაზე გავლენიან 50 კომუნიკაციების ლიდერთა სიაში.
***
Ameriabank არის წამყვანი ფინანსური და ტექნოლოგიური კომპანია სომხეთში, ორგანიზაცია, რომელიც მნიშვნელოვან წილს დებს სომხეთის ეკონომიკის განვითარების საქმეში. ამ ბანკის აქტივები აღემატება 1 ტრილიონ დრამს. ციფრული ტრანსფორმაციის პროცესში მან შეიმუშავა რიგი ინოვაციური გადაწყვეტილებები და პლატფორმები, რომლებიც სცილდება მხოლოდ საბანკო საჭიროებებს, მისი მრავალფეროვანი კლიენტთა ბაზით, რითაც შექმნა დინამიკურად განვითარებადი ფინანსური ტექნოლოგიების სივრცე.
Ameriabank-მა პირველმა შექმნა სომხეთში ბიზნესისა და ფიზიკური პირების ეკოსისტემები, მთელი რიგი საბანკო და არასაბანკო სერვისებისთვის, როგორებიცაა Estate.ameriabank.am, Automarket.ameriabank.am, Sme.ameriabank.am, შესაძლებელი გახადა „ერთი ფანჯრით წვდომა“.
როგორც მომხმარებელზე ორიენტირებული კომპანია, Ameriabank მიზნად ისახავს იყოს უწყვეტი გადაწყვეტილებების მქონე სანდო და უსაფრთხო ფინანსური ტექნოლოგიების სივრცე ცხოვრების ხარისხის გასაუმჯობესებლად.
დატოვე კომენტარი
