ეროვნული ბანკის პრეზიდენტმა ნონა გაფრინდაშვილს საკოლექციო მონეტა გადასცა საჩუქრად

ეროვნული ბანკის პრეზიდენტმა ნონა გაფრინდაშვილს საკოლექციო მონეტა გადასცა საჩუქრად

საქართველოს ეროვნული ბანკის  პრეზიდენტმა ნონა გაფრინდაშვილს თამარ მეფის საკოლექციო მონეტა ეროვნული ბანკის თანამშრომლების სახელით საჩუქრად გადასცა.

როგორც კობა გვენეტაძე სოციალურ ქსელში წერს, როდესაც ეროვნული ბანკი ახალ საკოლექციო მონეტას უშვებს, მას გამორჩეული ღვაწლის მქონე ადამიანებს საჩუქრად გადასცემენ, ვისი მოღვაწეობაც მონეტის თემას მიესადაგება.

„ეს გადაწყვეტილება ყოველთვის ხანგრძლივი ფიქრის და მსჯელობის საგანია. თუმცა, უნდა ვაღიარო, რომ თამარ მეფის მონეტის შემთხვევაში, გადაწყვეტილება მყისიერი და ერთსულოვანი იყო.

ქალბატონი ნონა – პირველი დიდოსტატი ქალი მოჭადრაკე და მრავალგზის ჩემპიონი, რომელიც თამარ მეფის მსგავსად, ტოლს არ უდებდა მამაკაცებს იმ დარგში, სადაც ქალის მასშტაბური წარმატება წარმოუდგენელი იყო. მან ქალთა ჭადრაკი მამაკაცთა ჭადრაკის დონეზე აიყვანა და საქართველოს სახელი მსოფლიო მასშტაბით წარმოაჩინა. ვფიქრობ, საქართველოს ეროვნული ბანკის თანამშრომლებისგან თამარის საკოლექციო მონეტის გადაცემა მისი საქვეყნო ღვაწლის სიმბოლური აღიარებაა. ჩემთვის განსაკუთრებით საამაყოა, რომ მონეტის მთლიანი თანხა ეროვნული ბანკის თანამშრომელთა ძალისხმევით შეგროვდა“ – წერს კობა გვენეტაძე.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.