Fiat Chrysler-ი პოლონეთში $203 მლნ-ის ინვესტირებას აპირებს

Fiat Chrysler-ი პოლონეთში $203 მლნ-ის ინვესტირებას აპირებს

იტალიურ-ამერიკული ავტომწარმოებელი Fiat Chrysler-ი პოლონეთში დამატებით 755 მლნ ზლოტის ($203.99 მლნ) ინვესტირებას აპირებს. საუბარია ქალაქ ტიხში მდებარე ქარხანაზე, სადაც ახალი ჰიბრიდული და ელექტრო ჯიპების, Fiat-ების და Alfa Romeo-ს მოდელების წარმოება იგეგმება. ამის შესახებ პოლონეთის ვიცეპრემიერმა იაროსლავ გოუინმა განაცხადა.

Fiat Chrysler-ში გაფართოების შესახებ მოსამზადებელი სამუშაოები ჯერ კიდევ მიმდინარე წელს დაიწყო.  

პოლონეთის ინდუსტრიულ რეგიონში მდებარე ქარხანა კი კომპანიის უმსხვილესი საწარმოა, რომელიც 2 500 ადამიანს ასაქმებს.

როგორც ავტომწარმოებელი აცხადებს, ახალი მოდელის მანქანების მასობრივი წარმოება 2022 წლის მეორე ნახევარში დაიწყება.

2018-2022 წლის გეგმების მიხედვით, Fiat Chrysler პირობას დებს, რომ ელექტრომობილების წარმოებაში კიდევ 9 მილიარდი ევროს ინვესტიციას განახორციელებს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.