HSBC-ის პერსონალურ საბანკო მიმართულებას ახალი ხელმძღვანელი ჰყავს

HSBC-ის პერსონალურ საბანკო მიმართულებას ახალი ხელმძღვანელი ჰყავს

ბრიტანული საინვესტიციო ბანკის HSBC-ის პერსონალურ საბანკო მიმართულებას ახალი ხელმძღვანელი ჰყავს. შიდა გადაადგილებების შედეგად ეს პოსტი ანაბელ სფრინგმა დაიკავა.

ცნობისთვის, პერსონალური საბანკო მიმართულების მენეჯმენტის ქვეშ დაახლოებით $353 მილიარდის ღირებულების აქტივებია.

სფრინგი HSBC-ს 2019 წელს შეუერთდა, ის ამ დრომდე WPB-ის (Wealth and Personal Banking) მომხმარებელთა და პროდუქტების მიმართულების ხელმძღვანელი იყო, მანამდე კი ცხრა წლის განმავლობაში ავსტრალიის Commonwealth Bank-ში მუშაობდა. მას ასევე აქვს Morgan Stanley-ში მუშაობის გამოცდილებაც.

სფრინგს მომხმარებელთა და პროდუქტების მიმართულების ხელმძღვანელის პოსტზე ტაილან ტურანი შეცვლის, რომელიც სტრატეგიული მიმართულების ხელმძთვანელი და ადმინისტრაციის უფროსიცაა WPB-ში.

“სფრინგი და ტურანი მნიშვნელოვან როლს შეასრულებენ ჩვენი ბიზნესის ზრდის დაჩქარებაში იმ ფონზე, რომ ჩვენ ვაგრძელებთ ინვესტირებას ჩვენი მომხმარებლებისთვის ახალ შეთავაზებებში, ტექნოლოგიებსა და პროდუქტებში“, – განაცხადა ქონებისა და პერსონალური საბანკო მომსახურების მიმართულების ხელმძღვანელმა ჩარლი ნანმა.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.