Luminar-ის დამფუძნებელი ყველაზე ახალგაზრდა თვითშემდგარი მილიარდერი გახდა

Luminar-ის დამფუძნებელი ყველაზე ახალგაზრდა თვითშემდგარი მილიარდერი გახდა

თვითმართვადი ავტომობილების სტარტაპის Luminar-ის დამფუძნებელი და აღმასრულებელი ხელმძღვანელი მსოფლიოს ყველაზე ახალგაზრდა თვითშემდგარი მილიარდერი გახდა. ოსტინ რასელი 25 წლისაა, მან Luminar-ი 17 წლის ასაკში შექმნა. კომპანია ავტომობილებისთვის ლაზერულ სენსორებს აწარმოებს. კომპანიის აქციების საფონდო ბირჟაზე საჯაროდ განთავსება რამდენიმე დღის წინ შედგა.

აქციების საჯაროდ განთავსების შედეგად, რასელის 104.7 მილიონი აქციის ღირებულება $2.4 მილიარდი გახდა. ის უკვე Forbes-ის მილიარდერთა სიაშია.

Wall Street Journal-ის ინფორმაციით, კომპანიის საბაზრო ღირებულება $7.5 მილიარდი გახდა მას შემდეგ, რაც მისი აქციების ფასი დაახლოებით 28%-ით გაიზარდა.

“ჩვენ შევქმენით კომპანია გრძელვადიანი მდგრადი ბიზნესის სახით“, – განაცხადა რასელმა.

რასელმა Luminar-ი 2012 წელს მას შემდეგ შექმნა, რაც მან სტენფორდის უნივერსიტეტი დატოვა. ის ფიზიკას სწავლობდა, თუმცა, შემდეგ PayPal-ისგან მიიღო ე.წ Thiel Fellowship $100 000-ის ოდენობით, ოცნების განსახორციელებლად.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.