Moderna-ს მილიარდერების ქონება ვაქცინის 95%-იანი ეფექტურობის გამოცხადების შემდეგ გაიზარდა

Moderna-ს მილიარდერების ქონება ვაქცინის 95%-იანი ეფექტურობის გამოცხადების შემდეგ გაიზარდა

ფარმაცევტული კომპანია Moderna-ს მთავარი აღმასრულებლის სტეფან ბანსელის ქონება $200 მილიონით გაიზარდა მას შემდეგ, რაც კომპანიამ კორონავირუსის საწინააღმდეგო ვაქცინის თითქმის 95%-იანი ეფექტურობის შესახებ განაცხადა. გარდა ამისა, კომპანიის საბჭოს წევრების – მეცნიერის ბობ ლანგერისა და იმუნოლოგ ტიმ სპრინგერის ქონებაც გაიზარდა $100 და $110 მილიონით.

“ეს უმნიშვნელოვანესი მომენტია. კვლევამ მოგვცა პირველი კლინიკური დადასტურება იმისა, რომ ჩვენს ვაქცინას შეუძლია კორონავირუსის დაავადების პრევენცია“, – განაცხადა 48 წლის ბანსელმა.

ცნობისთვის, Moderna-ს ვაქცინის კლინიკური შემოწმების პროცესში 30 000-ზე მეტ მონაწილეს გაკეთებული სატესტო ვაქცინის შედეგად, კორონავირუსი არ გადაედო. ამ ამბის გამოცხადების შემდეგ, კომპანიის აქციები 9.6%-ით გაიზარდა.

შეგახსენებთ, Moderna-ს ვაქცინის გარდა, წარმატებული შედეგი აჩვენა Pfizer-ის და BioNTech-ის ვაქცინამაც. გასულ კვირას აღნიშნულმა კომპანიებმა განაცხადეს, რომ მათი ვაქცინის ეფექტურობა 90%-ია.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.