ნოემბერში საქართველოს ექსპორტი 14%-ით გაიზარდა

ნოემბერში საქართველოს ექსპორტი 14%-ით გაიზარდა

საქართველოს სტატისტიკის ეროვნული სამსახურის წინასწარი მონაცემებით, 2022 წლის ნოემბერში 2021 წლის ნოემბერთან შედარებით, საქართველოდან საქონლის ექსპორტი 14%-ით (61 მლნ დოლარით), ხოლო იმპორტი 21%-ით (215 მლნ დოლარით) გაიზარდა. 2022 წლის ნოემბერში საქართველოს საქონლის ექსპორტმა 491 მლნ დოლარი, ხოლო იმპორტმა 1.24 მლრდ დოლარი შეადგინა.

ნოემბრის უარყოფითი სავაჭრო ბალანსი -758 მლნ დოლარია, რაც 2021 წლის ნოემბრის უარყოფით ბალანსზე 155 მლნ დოლარით მეტია.

11 თვის ჯამში, 2022 წლის იანვარ-ნოემბერში ექსპორტი 32%-ით, ხოლო იმპორტი 33%-ით გაიზარდა. 11 თვის უარყოფითი სავაჭრო ბალანსი -6.9 მლრდ დოლარია. 2021 წლის ამავე პერიოდში უარყოფითი ბალანსი 1.7 მლრდ დოლარით ნაკლები, 5.2 მლრდ დოლარი იყო.

ნოემბრის საგარეო ვაჭრობის დეტალური მაჩვენებლები 19 დეკემბერს გამოქვეყნდება.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *