რა გავლენა ექნება რუსულ სანქციებს ლარზე?

რა გავლენა ექნება რუსულ სანქციებს ლარზე?

რუსეთის მიერ საქართველოში პირდაპირი ავიამიმოსვლის შეჩერების შემდეგ, TBC ბანკი პროგნოზირებს, რომ რუსეთიდან ტურისტული შემოსავლები 50%–ით 330 მლნ დოლარამდე შემცირდება. მიუხედავად, ამისა ბანკში მიიჩნევენ, რომ ჯამში, 2019 წელს საქართველოში ტურიზმიდან მიღებული შემოსავალი 5%–ით გაიზრდება.

„სეზონურობიდან გამომდინარე ძლიერი ფულადი შემოსულობები რუსულ გავლენას მოკლევადიან პერიოდში შეამცირებს“.

ამასთან, ბანკში მიიჩნევენ, რომ ეკონომიკური ზრდა დაახლოებით 1%–ით შემცირდება, რაც ასევე შეამცირებს იმპორტს.

“არ არის გამორიცხული, რომ რუსულმა სანქციებმა ლარის არასტაბილურობა გამოიწვიოს, თუმცა ეროვნული ვალუტის სასარგებლოდ, არაერთი არგუმენტი არსებობს“, – განმარტავენ TBC-ში.

კერძოდ, ლარის კურსზე დადებითად მოქმედ ფაქტორებს შორის სახელდება ეროვნული ბანკის საერთაშორისო რეზერვების მოცულობა, რაც მას შესაძლებლობას მისცემს საჭიროების შემთხვევაში, გაუმკლავდეს ერთდღიან რყევებს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.