რა შეცვალა პანდემიამ ბილ გეითსის ცხოვრებაში?

რა შეცვალა პანდემიამ ბილ გეითსის ცხოვრებაში?

მას შემდეგ რაც პანდემია დაიწყო, “ჩემი ცხოვრება უკიდურესად შეიცვალა“, – განაცხადა ბილ გეისმა თავის ახალ პოდკასტში.

ერთ-ერთი ყველაზე დიდი ცვლილება, რაც პანდემიამ გეითსისთვის გამოიწვია, არის სამუშაო პირობების შეცვლა. მისი თქმით, ის ფიზიკურად ოფისში მარტის შემდეგ არ ყოფილა.

ამასთან, პანდემიამდე გეითსი დიდ დროს უთმობდა ბიზნეს-მოგზაურობებს, კონფერენციებზე სიტყვით გამოსვლებს, ბილ და მელინდა გეითსების ფონდისთვის თანხების მოზიდვას და კოლეგებთან ერთად ოფისში ყოფნას.

“ახლა უფრო მარტივი განრიგი მაქვს“, – აღნიშნა გეითსმა.

როგორც ყველა, ბილ გეითსიც ახლა ნაკლებ დროს უთმობს მგზავრობას, – “თუ სადმე მივდივარ, ვხედავ რომ საცობები საერთოდ არ არის“, – ამბობს ის.

Microsoft-ის დამფუძნებელი პანდემიის სხვა “დადებით მხარეებზეც“ საუბრობს. მაგალითად იმაზე, რომ მას ახლა უფრო მეტი დრო აქვს შვილებისთვის.

ბილ და მელინდა გეითსებს სამი შვილი ჰყავთ: 24 წლის ჯენიფერი, 21 წლის რორი და 18 წლის ფიბი.

“არ მქონდა გააზრებული ის გაურკვევლობა, რაც ახალგაზრდებს აქვთ ახლა გეგმების შედგენისას“, – აღნიშნა ბილ გეითსმა.

ცნობისთვის, ბილ და მელინდა გეითსების ფონდმა დამატებით $70 მილიონი გაიღო იმისათვის, რომ კორონავირუსის საწინააღმდეგო ვაქცინა შეიქმნას და მისი დისტრიბუცია განხორციელდეს დაბალ და საშუალო შემოსავლების მქონე ქვეყნებში.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.