რომელი ბანკი გამოირჩევა საუკეთესო მომსახურებით უზბეკეთში? - TBC Bank-ი ერთ-ერთი ლიდერია

რომელი ბანკი გამოირჩევა საუკეთესო მომსახურებით უზბეკეთში? - TBC Bank-ი ერთ-ერთი ლიდერია

უზბეკეთში მომსახურების მიხედვით საუკეთესო ბანკები გამოავლინეს. რეიტინგი ქოლ-ცენტრისა და ონლაინმხარდაჭერის ხარისხის მიხედვით შედგა. სიაში 27 ბანკი შევიდა, მათ შორის კი ის ბანკები არ მოიაზრებიან, რომლებმაც კვლევის ფარგლებში განხორციელებულ სატელეფონო ზარებს არ უპასუხეს, და ასევე რომლებსაც არ ჰქონდათ ის პროდუქტები, რაზეც კვლევის ავტორები უკავშირდებოდნენ ფინანსურ ინსტიტუტებს.

როგორც უზბეკური გამოცემა Spot.uz წერს, კვლევის ფარგლებში „იდუმალი მყიდველი“ სამჯერ რეკავდა ბანკების ქოლ-ცენტრში და მიმართავდა რომელიმე ერთი ქვემოთ ჩამოთვლილი შეკითხვით:

  • როგორია დეპოზიტებზე პირობები 150 მილიონი სუმის შემთხვევაში?
  • რა პირობებია 50 მლნ სუმის ოდენობის სესხებზე?
  • სად არის უახლოესი ბანკომატი?

„იდუმალი მომხმარებლები“ ბანკებში რეკავდნენ დილის 10-დან 12 საათამდე და 15-დან 17 საათამდე. რეიტინგი კი რამდენიმე კრიტერიუმის შეფასების მიხედვით შედგა, ესენია: ზარის/ონლაინდახმარების პარამეტრები; საუბრის გამართულობა და სწორი ინფორმაცია, რასაც ბანკის ოპერატორი მათ აწვდიდა.

საუკეთესო ბანკი ქოლ-ცენტრების მუშაობით „თიბისი“ გახდა, რომელმაც 4.76 ქულა მიიღო. შემდეგი ხუთი ბანკის სია კი რეიტინგში შემდეგია:

  • TBC Bank – 4.76.
  • Ravnaq Bank – 4.51.
  • Bank Ipak Yuli – 4.51.
  • Hamkorbank – 4.49.
  • Davrbank – 4.43.
  • Universalbank – 4.40.

რაც შეეხება იმ ხუთ ბანკს, რომლებმაც საუკეთესო შედეგი აჩვენეს ონლაინმხარდაჭერის სერვისში, შემდეგია:

  • InFinBank – 4.70 ქულა.
  • Kapitalbank – 4.70 ქულა.
  • TBC Bank – 4.70 ქულა.
  • Trustbank – 4.70 ქულა.
  • Hamkorbank – 4.70 ქულა.

საერთო რეიტინგის ტოპ-ხუთეული შემდეგნაირად გამოიყურება:

  1. TBC Bank – 9.46.
  2. Hamkorbank – 9.19.
  3. Bank “Ipak Yuli” – 8.81.
  4. InFinBank – 8.46.
  5. “Kapitalbank” – 8.36.

კვლევის ავტორების თქმით, ბანკის ქოლ-ცენტრში რეკვისას ოპერატორისთვის ლოდინი საშუალოდ 2 წუთისა და 20 წამის განმავლობაში უწევდათ. რეიტინგის ლიდერ TBC Bank-ში კი მოცდის დრო მხოლოდ 39 წამი იყო, ხოლო Ipoteka Bank-ში, რომელიც რეიტინგის ბოლოში მოექცა, მოცდის დრო 8 წუთსა და 32 წამს გრძელდებოდა.

ასევე, კვლევის მიხედვით, ბანკის ოპერატორები 70%-ით თავაზიანები იყვნენ, ოპერატორების მხოლოდ 18%-მა იკითხა მომხმარებლის სახელი და შემდეგ მიმართა სახელით, ხოლო ოპერატორების 80%-ს ჰქონდა კარგი დიქცია.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.