სამსახურის მაძიებლების მიერ დაშვებული სამი ყველაზე ხშირი შეცდომა

სამსახურის მაძიებლების მიერ დაშვებული სამი ყველაზე ხშირი შეცდომა

ახალი სამსახურის ძიებისა და მით უმეტეს გასაუბრების პროცესი თითოეული ადამიანისთვის დიდ სტრესთან ასოცირდება. მიუხედავად იმისა, რომ გასაუბრება სწორედ კანდიდატის მიერ მართული პროცესია, ისინი თავს უმეტესწილად მაინც დაქვემდებარებულ პირად მიიჩნევენ.

სწორედ ამიტომ, ტრადიციულად, გასაუბრების დროს დომინანტურ პოზიციას დამსაქმებელი იკავებს, რასაც მისი პოზიციის სპეციფიკა და ე.წ. გამოკითხვის ტაქტიკა განაპირობებს. დამსაქმებლებმა იციან, რომ ვაკანსიების სიმცირიდან გამომდინარე ისინი ფლობენ ძალაუფლებას სამუშაო პერსონალის შერჩევის სრულ პროცესზე.

მიუხედავად ამისა, პანდემიის პერიოდში სიტუაცია რადიკალურად შეიცვალა. უმუშევრობის დონემ ძალიან მაღალ ნიშნულს მიაღწია, რამაც, თავის მხრივ, ბოლო 20 წლის განმავლობაში ყველაზე კონკურენტული გარემო შექმნა ბაზარზე. კომპანიების ინტერესებში კი პანდემიის დასრულების შემდგომ კომპეტენტური თანამშრომლების მოძიება შედის, რაც ძალიან ზრდის კონკურენციას სხვადასხვა კომპანიას შორის, სამსახურის მაძიებლებს კი უფრო მეტ ძალაუფლებას ანიჭებს.

ფაქტია, რომ ამჯერად უკვე კანდიდატები ახდენენ კომპანიების კლასიფიცირებას მორგებული სამუშაო განრიგის, დისტანციურად მუშაობის, კომპანიის კულტურის, პროფესიული ზრდისა და ბენეფიტების მიხედვით. თუმცა ეს არ გამორიცხავს სამსახურის მაძიებლების მხრიდან სასურველი კომპანიის შერჩევის პროცესში ბევრი შეცდომის დაშვებას, რაც საბოლოოდ მათ კარიერასა თუ მენტალურ ჯანმრთელობაზე უარყოფითად მოქმედებს.

ტოქსიკური სამუშაო გარემოსა და კომპანიის ამოცნობა მაინც საკმაოდ რთულია. თუმცა  მთავარ პრობლემას წარმოადგენს ის, რომ სამსახურის მაძიებელთა დიდი ნაწილი გასაუბრების პროცესშივე წარმოჩენილ ე.წ. “წითელ დროშებს” ყურადღებას არ აქცევს და უფრო მეტიც, თვლის, რომ დასაქმების შემდგომ სამუშაო გარემო ისეთი ტოქსიკური აღარ იქნება, როგორიც ინტერვიუს პროცესში, შესაბამისად, სტრესულ გარემოში მოეჩვენათ.

აღსანიშნავია, რომ Corporate Responsibility Magazine-ის გამოკითხვამ აჩვენა, რომ სამსახურის მაძიებლების 69% თუ პოზიციის დაკავებამდე შეიტყობდა კომპანიის ცუდი რეპუტაციის შესახებ, იმ შემთხვევაშიც კი, თუ სხვა სამუშაო არ ექნებოდათ, უარს იტყოდნენ შემოთავაზებაზე.

უფრო მეტად რომ გაუადვილდეს სამსახურის მაძიებელს პოტენციური ტოქსიკური კომპანიის ამოცნობა, მის რამდენიმე ძირითად ნიშანს წარმოგიდგენთ:

  1. თვითონ ინტერვიუერის სხეულის ენა მოწმობს იმას, რომ ის თქვენ ყურადღებას არ გაქცევთ და დაინტერესებული არაა;
  2. ისინი ძირითადად თავს არიდებენ კითვებზე პასუხის გაცემას და ერთი და იმავე საკითხის გარშემო ტრიალებენ;
  3. კომპანიის კულტურის აღწერისას თქვენ მოხიბვლას ცდილობენ, თუმცა ამჩნევთ, რომ მის უპირატესობებს გადაჭარბებულად აფასებენ;
  4. გასაუბრების პროცესში საკუთარ თავს ან ერთმანეთს ეწინააღმდეგებიან;
  5. მათი თანამშრომლების მინუსებზე გესაუბრებიან;
  6. არ გააჩნიათ კარიერულად წარმატებული წარსული ან სამომავლო გეგმები;
  7. კონკრეტულად ვერ გიხსნიან, თუ რა შევა თქვენს მოვალეობაში დასაქმების შემდგომ;
  8. ინტერვიუს პროცესი არაორგანიზებული და ქაოსურია – მარტივად აღსაქმელია, რომ ინტერვიუერები შეთანხმებულად არ მოქმედებენ;
  9. არა აქვთ ტრენინგკურსები, რაც თქვენი კარიერული წინსვლისთვის უმნიშვნელოვანესია;
  10. აგვიანებენ გასაუბრებაზე გამოცხადებას, ან ბოლო წამს ცვლიან თარიღს.

სამსახურის მაძიებლების მიერ კიდევ ერთი ხშირად დაშვებული შეცდომაა კომპანიაზე არასრული ინფორმაციის მიღება. იმისათვის, რომ სრულად გაიგოთ იმ კომპანიის ბენეფიტების, უპირატესობების და, რა თქმა უნდა, ნაკლის შესახებ, რომელშიც დასაქმებას გეგმავთ, რამდენიმე მარტივი გზა არსებობს:

  • ესტუმროთ კომპანიის LInkedIn გვერდს და მიიღოთ ინფორმაცია უკვე დასაქმებულ პირთა შესახებ.
  • ინფორმაცია მოიძიოთ მისი როგორც დადებითი, ასევე უარყოფითი შეფასების შესახებ ისეთ გვერდებზე, როგორიცაა: Glassdoor-ი, Indeed-ი, InHerSight-ი, Kununu და სხვა.
  • კომპანიაში მაღალ პოზიციაზე მყოფი პირების შესახებ მოიძიოთ სრული ინფორმაცია LinkedIn-ზე.
  • შეისწავლოთ კომპანის მთავარი ღირებულებები, მისია და ხედვა და დააზუსტოთ, ისინი თქვენსას ხომ არ ეწინააღმდეგება.
  • სოციალური მედიის შემოწმებით მიიღოთ ინფორმაცია იმაზე, თუ რა სახით ამყარებენ სხვებთან ურთიერთობას და ვინ არიან მათი ძირითადი გამომხმაურებლები სოციალურ ქსელში ატვირთულ პოსტებზე.

იმ შემთვევაში კი, თუ საქმე ახლად შექმნილ კომპანიასთან, ე.წ. startup-თან გაქვს, ნახოთ ინფორმაცია დამაარსებელსა და მის მფლობელობაში არსებული სხვა ორგანიზაციების შესახებ.

სამსახურის მაძიებლების კიდევ ერთი საკმაოდ გავცელებული შეცდომა გასაუბრების პროცესის არასწორად აღქმაა. ბევრი ვერ იაზრებს, რომ გასაუბრება ორმხრივი პროცესია და დამსაქმებლის მსგავსად მათაც შეუძლიათ მათთვის მნიშვნელოვანი კითხვების დასმა. იმისთვის, რომ უფრო მეტად დარწმუნდეთ თქვენს გადაწყვეტილებაში, უფრო მეტ ინფორმაციას უნდა ფლობდეთ, რაშიც პოტენციური დამსაქმებლისგან შემდეგ კითხვებზე პასუხის მიღება დაგეხმარებათ:

  1. გამოიკითხოთ ინფორმაცია იმ პირის შესახებ, რომელიც თქვენამდე იკავებდა ამ პოზიციას და დააზუსტოთ, თუ რა პერიოდის განმავლობაში იყო ის ამ თანამდებობაზე;
  2. აღნიშნოთ, რომ სოციალურ მედიაში შეფასებების ნახვისას, რამდენიმე კომენტარს წააწყდით ტოქსიკური გარემოს არსებობაზე და ჰკითხოთ, თუ როგორ აპირებენ ამის გამოსწორებას;
  3. დააზუსტოთ feedack-ის მიღების წესები და თუ ითვალისწინებენ მათ თავიანთი სამუშაო გარემოს გაუმჯობესებისთვის.

დაუფიქრებელი და სწრაფი გადაწყვეტილებისგან თავის შეკავება ახალი სამსახურის დაწყების პროცესში ყველაზე მნიშვნელოვანია. შესაბამისად, გასაუბრების შემდგომ მიღებული ინფორმაციის გაანალიზებისთვის მცირე დრო გამოიყენეთ, რადგან თქვენმა მომავალმა ნაბიჯმა შესაძლოა თქვენი კარიერა მნიშვნელოვნად განსაზღვროს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.