Tesla-ს საბაზრო ღირებულება $50 მილიარდით შემცირდა

Tesla-ს საბაზრო ღირებულება $50 მილიარდით შემცირდა

ელექტრომობილების მწარმოებელი კომპანია Tesla-ს აქციები სამშაბათის ვაჭრობის შედეგად ორ საათში მნიშვნელოვნად – $50 მილიარდით დაეცა. ეს მას შემდეგ მოხდა, რაც კომპანიის დამფუძნებელმა ელონ მასკმა და სხვა ხელმძღვანელებმა ახალი ელემენტის და წარმოების სტრატეგია წარადგინეს. თავდაპირველად Tesla-ს აქციებმა 5.6%-იანი ვარდნა განიცადა, შემდეგ კი ეს მაჩვენებელი ერთ საათში 6.9%-მდე გაიზარდა.

ინვესტორები მასკისგან ორ მნიშვნელოვან განცხადებას ელოდებოდნენ. ერთი – განახლებული ელემენტის შესახებ, რომელსაც 10 წლიანი ვარგისიანობა ექნება, და მეორე – ელექტრომობილის ფასის შემცირების შესახებ. თუმცა, მასკმა არცერთი მათგანის შესახებ არაფერი თქვა. ამის ნაცვლად კი მან პირობა დადო, რომ მომდევნო რამდენიმე წელიწადში ის შეამცირებს ელემენტების დანახარჯებს 50%-ით და ამას ახალი ტექნოლოგიების დახმარებით შეძლებს.

“სამ წელიწადში ჩვენ შეგვიძლია შემოგთავაზოთ $25 000-იანი ელექტრომობილი, რომელიც მცირედით უკეთესი იქნება, თუ მას ბენზინზე მომუშავე მანქანებს შევადარებთ“, – განაცხადა მასკმა.

ცნობისთვის, Tesla აპირებს წელიწადში 20 მლნ ელექტრომობილის წარმოებას. წელს კი ავტოინდუსტრია გლობალურად კომპანიისგან 80 მლნ ავტომობილის დისტრიბუციას ელოდება.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.