რუსული ტუროპერატორები მთავრობისგან კომპენსაციას ითხოვენ

რუსული ტუროპერატორები ხელისუფლებას, ეგვიპტეში ტურების შეწყვეტის გამო, 1,5 მილიარდი რუბლის გადახდას სთხოვენ. რუსეთის ტურიზმის ინდუსტრიის კავშირის ვიცე-პრეზიდენტის, იური ბასტრიკინის თქმით, ტუროპერატორები აღნიშნულ თანხას შიდა ტურიზმის განვითარებას მოახმარენ. "კომპანიები, სასტუმროების და კვების ობიექტების განვითარების მიზნით, ინვესტიციების განხორციელებას გეგმავენ. ბევრი მუშაობაა საჭირო იმისათვის, რომ ტურისტების ნაკადი რუსეთის კურორტებისაკენ მივმართოთ", - განაცხადა ბასტრიკინმა.

რუსეთმა ტურისტული საგზურების გაყიდვა ეგვიპტეში დაახლოებით ერთი თვის წინ აკრძალა, მას შემდეგ რაც სინაის ნახევარკუნძულზე რუსი ტურისტებით სავსე თვითმფრინავი ჩამოვარდა. ამის შემდეგ, მოსკოვის გადაწყვეტილებით, შეჩერდა ტურების თურქეთის კურორტებზე გაყიდვაც. ამის მიზეზი კი თურქეთის მიერ სირიის საზღვართან ახლოს რუსული სამხედრო თვითმფრინავის ჩამოგდება გახდა.

წინა სტატია

ჩინეთის სინდრომი
14 დეკემბერი, 2015

შემდეგი სტატია

ბათუმის საინვესტიციო ფორუმი 2015
14 დეკემბერი, 2015
საქართველოს ყველაზე მოგებიანი კომპანიების ასეული
რეიტინგი | აგვ, 29, 2019
2020 წელს დაგეგმილი დღგ-ის მნიშვნელოვანი ცვლილებების პირველადი ანალიზი
ეკონომიკა | აგვ, 26, 2019
აგვისტოში საქართველოში რეკორდული რაოდენობის უცხოელი ვიზიტორი შემოვიდა
საქართველო | სექ, 13, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა