საქართველოს აეროპორტებში მგზავრთნაკადი 43%-ით გაიზარდა

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მონაცემებით, გასული, 2017 წლის განმავლობაში, საქართველოს აეროპორტებმა, რეგულარული და ჩარტერული რეისებით, 4 073 959 მგზავრი გადაიყვანა, რაც 43.43 %-ით აღემატება 2016 წელს გადაყვანილი მგზავრების რაოდენობას (2 840 455 მგზავრი). 

2017 წელს, თბილისის საერთაშორისო აეროპორტი 3 164 139 მგზავრს მოემსახურა, რაც 40.47%-ით (911 604 მგზავრით) მეტია, ვიდრე 2016 წელს გადაყვანილი მგზავრების რაოდენობა (2 252 535 მგზავრი). 

ბათუმის საერთაშორისო აეროპორტის მეშვეობით 495 668 მგზავრი იქნა გადაყვანილი, რაც 58.69%-ით (183 325 მგზავრით) მეტია 2016 წლის ანალოგიურ მაჩვენებელზე (312 343 მგზავრი). 

ქუთაისის საერთაშორისო აეროპორტში მგზავრთნაკადი 49.31%-ით გაიზარდა. სულ გადაყვანილ იქნა 405 173 მგზავრი - 133 810 მგზავრით მეტი ვიდრე 2016 წელს. 

რაც შეეხება ადგილობრივი დანიშნულების აეროპორტებს, მესტია 2017 წლის განმავლობაში 7 256 მგზავრს მოემსახურა, რაც 3 042 მგზავრით, შესაბამისად 72.19%-ით მეტია ვიდრე 2016 წელს გადაყვანილი მგზავრების რაოდენობა (4 214). ამბროლაურის აეროპორტმა 2017 წელს პირველად მიიღო მგზავრები და მათი რაოდენობა 1 723 ადამიანს შეადგენდა. 

2017 წლის განმავლობაში, საქართველოს აეროპორტებში 5 637 რეისით მეტი განხორციელდა ვიდრე 2016 წელს. მონაცემები ასე გამოიყურება: სამგზავრო და სატვირთო რეისების რაოდენობა სულ - 20 955, აქედან რეგულარული რეისების რაოდენობაა 17 852, ხოლო ჩარტერების 3 103. წინა წლის ანალოგიურ პერიოდში განხორციელებული რეისების რაოდენობასთან შედარებით, ზრდა 36.80%-ს შეადგენს. 

12.60%-ით იმატა საქართველოს საჰაერო სივრცის გამოყენების მაჩვენებელმა. 2016 წელს ერთეული გადაფრენების რაოდენობა იყო 128 446, ხოლო გასულ წელს საქართველოს საჰაერო სივრცეში 144 626 ერთეული გადაფრენა დაფიქსირდა.

მგზავრთნაკადი საქართველოს აეროპორტები თბილისის აეროპორტი

წინა სტატია

Empower Women
11 იანვარი, 2018

შემდეგი სტატია

აშშ-ის სამოგზაურო რეკომენდაციებში საქართველო უსაფრთხო ქვეყნების ჯგუფშია
11 იანვარი, 2018
საცხოვრებელი კომპლექსი, რომელმაც დროს გაუსწრო
მენეჯერები | აპრ, 16, 2018
ყველაზე რეიტინგული სასტუმროები საქართველოში
რეიტინგი | აპრ, 17, 2018
ყველაზე მოგებიანი სადაზღვევო კომპანიები საქართველოში
ახალი ამბები ქართულად | მარ, 26, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა