დღეს ფინანსთა სამინისტრომ 2018 წლის სახელმწიფო ბიუჯეტის პროექტი გამოაქვეყნა, რომლის მიხედვით, 2017 წელთან შედარებით, მომავალ წელს საბიუჯეტო ორგანიზაციებში არსებული მომუშავეთა რიცხოვნობა 3 278 ადამიანით მცირდება. მომუშავეთა რიცხოვნობა ყველაზე მეტად კულტურის სამინისტროს დაქვემდებარებაში არსებულ ორგანიზაციებში მცირდება – ჯამში 1 214 ადამიანით. შემდეგ მოდის სასჯელაღსრულებისა და პრობაციის სამინისტრო, სადაც დასაქმებულთა რაოდენობა 477-ით შემცირდება. საერთო სასამართლოებში დასაქმებულები 305 ადამიანით მცირდება.
ჯამში, უმეტეს უწყებებში დასაქმებულთა რაოდენობა მცირდება. გაუქმდა ეროვნული საინვესტიციო სააგენტო, სადაც 38 ადამიანი იყო დასაქმებული.
2018 წლის სახელმწიფო ბიუჯეტში შრომის ანაზღაურებისთვის 1 398 მლნ ლარია გამოყოფილი, რაც 5 მლნ ლარით მეტია 2017 წლის გეგმიურ მაჩვენებელზე. შრომის ანაზღაურების ხარჯის წილი მთლიან ხარჯებში 11.3%-მდე მცირდება. 2017 წელს აღნიშნული მაჩვენებელი 12.2%-ის დონეზეა დაგეგემილი.
ცხრილი: სახელმწიფო უწყებები, სადაც დასაქმებულთა რაოდენობა ყველაზე მეტად მცირდება
უწყებები | 2017 | 2018 | სხვაობა |
მომუშავეთა ჯამური რიცხოვნობა | 116757 | 113479 | -3278 |
კულტურისა და ძეგლთა დაცვის სამინისტრო | 7976 | 6762 | -1214 |
სასჯელაღსრულებისა და პრობაციის სამინისტრო | 4947 | 4470 | -477 |
საერთო სასამართლოები | 1963 | 1658 | -305 |
განათლებისა და მეცნიერების სამინისტრო | 1657 | 1366 | -291 |
თავდაცვის სამინისტრო | 42257 | 41992 | -265 |
პარლამენტი და მასთან არსებული ორგანიზაციები | 1331 | 1126 | -205 |
შინაგან საქმეთა სამინისტრო | 29908 | 29766 | -142 |
იუსტიციის სამინისტრო | 1665 | 1602 | -63 |
ჯანდაცვის სამინისტრო | 3225 | 3184 | -41 |
ეროვნული საინვესტიციო სააგენტო | 38 | 0 | -38 |
საკონსტიტუციო სასამართლო | 109 | 73 | -36 |
სახელმწიფო აუდიტის სამსახური | 370 | 339 | -31 |
სოფლის მეურნეობის სამინისტრო | 1404 | 1377 | -27 |
იძულებით გადაადგილებულ პირთა, განსახლებისა და ლტოლვილთა სამინისტრო | 285 | 259 | -26 |
რეგიონული განვითარებისა და ინფრასტრუქტურის სამინისტრო | 376 | 361 | -15 |
ფინანსთა სამინისტრო | 4785 | 4770 | -15 |
იუსტიციის უმაღლესი საბჭო | 80 | 69 | -11 |
აქართველოს პრეზიდენტის ადმინისტრაცია | 150 | 140 | -10 |
ენერგეტიკის სამინისტრო | 144 | 135 | -9 |
დატოვე კომენტარი
