ბერნარ არნო გასულ კვირას $8 მლრდ-ით გამდიდრდა – კიდევ ვისი ქონება გაიზარდა?

ბერნარ არნო გასულ კვირას $8 მლრდ-ით გამდიდრდა – კიდევ ვისი ქონება გაიზარდა?

პანდემიის დროს ძვირადღირებული პროდუქციის მწარმოებლებს სერიოზული ზიანი მიადგათ, თუმცა, გასულ კვირას ფრანგულმა კონგლომერატმა LVMH-მა მნიშვნელოვანი ზრდა აჩვენა. შედეგად მისი დამფუძნებლის და მფლობელის ბერნარ არნოს ქონება $8 მილიარდით გაიზარდა და $122 მილიარდს მიაღწია.

15 ოქტომბრიდან 22 ოქტომბრამდე LVMH-ის აქციების ფასი 6%-ით გაიზარდა. შეგახსენებთ, სწორედ აღნიშნული კონგლომერატი აერთიანებს ისეთ ბრენდებს, როგორიცაა Bulgari, Louis Vuitton-ი, Dior-ი, Guerlain-ი და Dom Pérignon-ი. პანდემიის შედეგად, პირველი ცხრა თვის განმავლობაში ფრანგული კონგლომერატის შემოსავლები 21%-ით შემცირდა. კოსმეტიკის, სასმელებისა და სამკაულების მწარმოებელი ბრენდების შემოსავლები მესამე კვარტალში იმაზე ნაკლები იყო, ვიდრე გასული წლის ანალოგიურ პერიოდში. თუმცა, მოდისა და ტყავის ნაწარმის ბიზნესებმა 12%-იანი ზრდა აჩვენა, რამაც გააძლიერა კომპანიის შემოსავლები. Louis Vuitton-სა და Dior-ს სერიოზული გაყიდვები აქვთ.

შედეგად, ბერნარ არნოს LVMH-სთვის გასული კვირა წარმატებული გამოდგა. ამ კომპანიის გარდა, კიდევ რამდენიმე მსხვილმა კონგლომერატმაც მნიშვნელოვანი ზრდა აჩვენა 15-დან 22 ოქტომბრამდე, მათი ჩამონათვალი შემდეგნაირად გამოიყურება:

ბერნარ არნო

ქონება: $122 მილიარდი, გაიზარდა $8 მილიარდით

ქვეყანა: საფრანგეთი

ქონების წყარო: LVMH

მარკ ცუკერბერგი

ქონება: $102.1 მილიარდი, გაიზარდა $4.1 მილიარდით

ქვეყანა: აშშ

ქონების წყარო: FACEBOOK

ბობი მერფი

ქონება: $8.1 მილიარდი, გაიზარდა $2.2 მილიარდით

ქვეყანა: აშშ

ქონების წყარო: SNAP

ლარი პეიჯი

ქონება: $71.6 მილიარდი, გაიზარდა $2.1 მილიარდით

ქვეყანა: აშშ

ქონების წყარო: GOOGLE

სერგეი ბრინი

ქონება: $69.6 მილიარდი, გაიზარდა $2.1 მილიარდით

ქვეყანა: აშშ

ქონების წყარო: GOOGLE

ევან შპიგელი

ქონება: $7.7 მილიარდი, გაიზარდა $2 მილიარდით

ქვეყანა: აშშ

ქონების წყარო: SNAP

ზიუ ჰუეი

ქონება: $22.4 მილიარდი, გაიზარდა $1.8 მილიარდით

ქვეყანა: ჩინეთი

ქონების წყარო: რითეილ გაყიდვები

შელდონ ადელსონი

ქონება: $32.1 მილიარდი, გაიზარდა $1.8 მილიარდით

ქვეყანა: აშშ

ქონების წყარო: კაზინოები

კოლინ ჟენ უანგი

ქონება: $30.9 მილიარდი, გაიზარდა $1.8 მილიარდით

ქვეყანა: ჩინეთი

ქონების წყარო: PINDUODUO

ამანსიო ორტეგა

ქონება: $67.1 მილიარდი, გაიზარდა $1.6 მილიარდით

ქვეყანა: ესპანეთი

ქონების წყარო: ZARA

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.